ކުރިޔަށް އޮތް ރިޔާސީ އިންތިޚާބުގައި ވާދަކުރައްވާނެކަން އިއުލަން ކުރައްވާފައިވާ، ޖުމުހޫރީ ޕާޓީގެ ރިޔާސީ ކެނޑިޑޭޓް ގާސިމް އިބުރާހިމްއާއި އެމްޑީޕީގެ ރައީސް މުހައްމަދު ނަޝީދު މިއަދު ސަން އައިލެންޑުގައި ބައްދަލު ކުރައްވައިފިއެވެ.

ސަން އައިލެންޑުގައި މިއަދު ނަޝީދުއާއި ގާސިމް ބައްދަލު ކުރެއްވިއިރު، ނަޝީދުގެ ޓީމުގައި، ދާދިފަހުން އެސްޓީއޯގެ މެނޭޖިން ޑިރެކްޓަރުގެ މަގާމުން ވަކިކުރެއްވި ހުސެއިން އަމުރުގެ އިތުރުން ނަޝީދު ފެކްޝަނަށް ތާއީދުކުރާ އެމްޑީޕީގެ ބައެއް މަޖިލިސް މެމްބަރުންވެސް ހިމެނިވަޑައިގަންނަވައެވެ.

އޭގެ އިތުރުން ނަޝީދުގެ ބައްދަލުވުމުގައި، ގާސިމް އިބުރާހިމްގެ ފަރާތުން ބައިވެރިވީ ޖޭޕީގެ އިސް ބެފުޅުންގެ ތެރޭގައި، ނަޝީދަށް ކުރިން ވަށްރަށް ބޮޑަށް ވިދާޅުވި، މަޖިލިހުގެ ކުރީގެ ބައެއް މެމްބަރުން ހިމެއެވެ. އޭގެތެރޭގައި ފާހަގަ ކޮށްލެވޭ ބައެއް ބޭފުޅުންގެ ތެރޭގައި، އިދިކޮޅު ޕީޕީއެމްގައި ކުރިން މަސައްކަތް ކުރެއްވި އަހުމަދު ނިހާން ހުސެއިން މަނިކާއި، އަލީ އާރިފާއި އަދި ރިޔާޒު ރަޝީދުވެސް ހިމެނެއެވެ. އޭގެ އިތުރުން، ޖޭޕީގެ ފަރާތުން ނަޝީދުއާއި ބައްދަލު ކުރި ޓީމުގައި ރައީސް ސާލިހުގެ ސަރުކާރުގެ ކުރީގެ ހެލްތު މިނިސްޓަރު އަބުދުﷲ އަމީންވެސް ހިމެނިވަޑައިގަންނަވައެވެ.

މައުލޫމާތު ލިބިފައިވާ ގޮތުގައި ނަޝީދުއާއި ގާސިމްއާ ދެބޭފުޅުން މިއަދު މަޝްވަރާ ކުރައްވާފައިވަނީ ކުރިޔަށް އޮތް ރިޔާސީ އިންތިޚާބާއި ގުޅޭގޮތުންނެވެ.