މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)ގެ މެންބަރެއްގެ މެންބަރުކަމުގެ ދައުރުހަމަވާތީ، އެ މަޤާމަށް ކުރިމަތިލެއްވި ހަތަރު ބޭފުޅެއްގެ ތެރެއިންގެ ތެރެއިން ދެ ބޭފުޅަކަށް ރައްޔިތުންގެ މަޖިލީހުގެ މިނިވަން މުއައްސަސާތަކާބެހޭ ކޮމިޓީން ރުހުންދީފިއެވެ.
ބްރޯޑްކޮމްގެ މެންބަރުކަމަށް ބޭފުޅަކު އައްޔަންކުރެއްވުމަށް ރައީސުލްޖުމްހޫރިއްޔާ ނިންމެވީ، މިހާރު އެކޮމިޝަނުގައި ހިމެނިވަޑައިގަންނަވާ އަމްޖަދު ވަޙީދުގެ މެންބަރުކަމުގެ ދައުރު މާރޗް 15އަށް ހަމަވާތީއެވެ. އެ މަޤާމަށް ކުރިމަތިލުމަށް ހުޅުވާލި ފުރުޞަތުގައި ކުރިމަތިލެއްވި ބޭފުޅުންގެ ތެރެއިން ރައީސުލްޖުމްހޫރިއްޔާ އިސްކަންދެއްވާ 4 ނަމެއް ވަނީ މަޖިލީހަށް ފޮނުއްވާފައެވެ. މިނަންތައް ދިރާސާ ކުރީ ރައްޔިތުންގެ މަޖިލީހުގެ މިނިވަން މުއައްސަސާތަކާބެހޭ ކޮމިޓީންނެވެ.
ބްރޯޑްކޮމްގެ މެންބަރުކަމަށް އައްޔަންކުރެއްވުމަށް ފޮނުއްވި ނަންތައް:
1- އަލްއުސްތާޛް ޝިހާމް މުޙައްމަދު ވަޙީދު، ރސ.5143
2- އަލްއުސްތާޛް ޝާން ޞާލިޙް މުޙައްމަދު، ފިނިވާދީ، ދ.ކުޑަހުވަދޫ
3- ޙުސައިން ޢަމްރު، ވ.ރޯޝަން
40 ޝަފާ ޝަފީގް، ބިއްލޫރިވިލާ. ދ.މީދޫ
އެ ނަންތައް ދިރާސާކުރުމުގެ ތެރެއިން އެ ބޭފުޅުންނަށް ގާނޫނު އެނގިވަޑައިގަންނަވާ މިންވަރު ބެލުމުގެ ޓެސްޓުގެ އިތުރުން ކޮމިޓީން އެ ބޭފުޅުންނާ އިންޓަވިއުކުރުމަށްފަހު، ނެގި ވޯޓުން ޝިހާމްއާއި ސޮފާ، އެ ދެބޭފުޅުންގެ ތެރެއިން ބޭފުޅަކު ބްރޯޑްކޮމަށް އައްޔަންކުރަން މަޖިލީހުން ރުހުންދޭން ފެންނަ ކަމަށް ފާސްކޮށް ކޮމިޓީން ވަނީ އެ މައްސަލަ މަޖިލީހުގެ ތަޅުމަށް ފޮނުވައިފައެވެ.
މި ދެ ބޭފުޅުންގެ ނަންވެސް ކޮމިޓީން ފާސްކުރީ އެ ވަގުތު ކޮމިޓީގައި ތިއްބެވި ނުވަ މެންބަރުންގެ އިއްތިފާގުންނެވެ. ދެން އެ ދެބޭފުޅުންގެ ތެރެއިން ބްރޯޑްކޮމަށް އައްޔަންކުރާނެ މެންބަރެއްގެ ނަން ފާސްކުރާނީ މަޖިލިސް ތަޅުމުންނެވެ.
