އަބަދުވެސް ޢަދާލަތު ޕާޓީއާ ޚިޕޔާލު ތަފާތު، ދީނީ ޖަމްޢިއްޔާ ޖަމްއިއްޔަތުއް ސަލަފަށް އަމާޒުކޮށް ޢަދާލަތު ޕާޓީގެ ރައީސް އަދި މިސަރުކާރުގެ ހޯމް މިނިސްޓަރ އައްޝައިޚް އިމްރާން ޢަބްދުﷲ ޓްވީޓެއްކޮށްފިއެވެ.
އިމްރާން ވަނީ ސަލަފް ޖަމްޢިއްޔާއާއި ޢަދާލަތު ޕާޓީއާ ދެމެދު ހުރި ތަފާތަކީ ދީނީ ކަމެއްތޯ ސުވާލުކުރައްވާފައެވެ. ނުވަތަ އެއީ ސިޔާސީ މައްސަލައެއްތޯ ސުވާލުކުރައްވައި ވިދާޅުވީ ދީނީކަމެއްނަމަ އެކަން ޙައްލުކުރަން ވަރަށް ބޭނުންވާކަމަށެވެ. ސިޔާސީ ކަމެއްނަމަ އެކަން އަންޑަސްޓޭންޑް ވާކަމަށާ، އެއީ ވަރަށް ނެޗްރަލް ކަމެއްކަމަށް އިމްރާން ވިދާޅުވެފައިވެއެވެ.
Salaf jamiyya aa @AdhaalathOffice aa dhemedhugai huri thafaathu thakakee dheenee kameh heyyeve? Nuvatha siyaasee massala thakeh heyyeve.
Dheenee massaleh nama ekan hallu kuran alhugadumen v beynunve eve.
Siyaasee kameh nama ekan understand ve’eve. Hama v natural kamehthaa eve.
— Imran Abdulla (@ShimranAb) February 26, 2023
ޢަދާލަތު ޕާޓީ އުފެދުނީއްސުރެވެސް އެޕާޓީން ގެންގުޅޭ ދީނީ ސިޔާސީ އިޖުތިމާޢީ ސިޔާސަތުތަކާ ޖަމްޢިއްޔަތުއް ސަލަފުގެ ބޭފުޅުންގެ ޚިޔާލު ވަރަށް ތަފާތެވެ. ޚާއްސަކޮށް ފަހަކަށްއައިސް ޢަދާލަތުޕާޓީގެ ޢަމަލުތަކާމެދު ރާއްޖޭގެ ވަރަށްގިނަ ދީނީ ޢިލްމުވެރިން ކަންބޮޑުވުން ފާޅުކުރައްވައި ފާޑުވިދާޅުވެއެވެ. އޭގެތެރޭގައި ޖަމްޢިއްޔަތުއް ސަލަފަށް ނިސްނުވާ ބޭފުޅުންވެސް ހިމެނެއެވެ.
ޢަދާލަތަށް ފާޑުވިދާޅުވާ ބޭފުޅުންގެ އެންމެބޮޑު ކަންބޮޑުވުމަކީ ޝައިޚް އިމްރާން ހޯމް މިނިސްޓަރުކަމުގައި ހުންނަވައިގެން، ސަރުކާރުގެ ތެރެއިން އިސްލާމްދީނާ ޚިލާފަށް ބައެއްކަންކަން ކުރާކަމުގެ ތުހުމަތެވެ. އަދި އިސްލާމްދީނަށް ފުރައްސާރަކުރާ މީހުންނާމެދު ފިޔަވަޅެއް ނޭޅުމާއި، އެފަދަ މައްސަލަތަކަށް ދެވޭ ސަމާލުކަން ކުޑަވުމާއި ފިޔަވަޅެއް ނޭޅުމެވެ. އޭގެބަދަލުގައި ހަރުކަށި ފިކުރާ ދެކޮޅަށްކަމަށްބުނެ ދީނަށްލޯބިކުރާ މީހުންނަށް ދަތިކުރުމާއި ހައްޔަރުކޮށް ޖަލަށްލުމާއި ބައެއް ދީނީ ޢިލްމުވެރިން ހައްޔަރުކޮށް ބޭއިންސާފުލުން ޢަމަލުކުރާކަމުގެ ތުހުމަތެވެ.
ކޮމެންޓު ފޮނުވާ