ބޮލީވުޑްގެ މަޝްހޫރު ބަތަލާ ރާނީ މުކަރްޖީ ދުވަސްގަނޑަކަށް ފަހު އަލުން އެބުރި އަންނަ ފިލްމު "މިސިޒް ޗެޓަޖީ ވާސަސް ނޯވޭ" ގެ ޓްރެއިލާ މިއަދު ރަސްމީކޮން އާންމުކޮށްފި އެވެ.
2021 ވަނަ އަހަރުގެ ފިލްމް "ބަންޓީ އޯރް ބަބްލީ 2″ އިން އެންމެ ފަހުން ފެނުނު 44 އަހަރުގެ ބަތަލާގެ މި ފިލްމަކީ ބޭރުގައުމެއްގައި މަންމަ އަކު ދަރިއަކަށް އިންސާފު ހޯދައިދިނުމަށް ކުރާ މަސައްކަތްތަކެއް ދައްކުވައިދޭ ފިލްމެކެވެ.
އަންނަ މަހުގެ 17 ގައި ސިނަމާތަކަށް ގެންނަން ތާވަލުކޮށްފައިވާ މި ފިލްމަކީ ވަރަށް އަސަރުގަދަ ފިލްމް އަކަށް ވާނެ ކަމަށް ޓްރެއިލާއިން ފާހަގަ ވެއެވެ. މި ފިލްމުގެ ކާސްޓްގައި ނީނާ ގުޕްތާ އާއި ޖިމް ސަރްބްގެ އިތުރުން އަނިރްބަން ބަޓަޗަރިއާ ވެސް ހިމެނެ އެވެ.
View this post on Instagram
ޑައިރެކްޓަރު ޕްރޮޑިއުސަރު ނިކިލް އަދުވާނީގެ އެންމޭ އެންޓަޓައިންމަންޓުން ޕްރޮޑިއުސްކުރާ މި ފިލްމުގެ ބޮޑުބައި ނޯވޭގައި ޝޫޓްކޮށްފައިވާއިރުގައި މީގެ ޑައިރެކްޓަރަކީ 2013 ވަނަ އަހަރު ގެނެސްދިން "މޭރޭ ޑޭޑް ކީ މަރޫޓީ" ގެނެސްދިން އާޝިމާ ޗިބާރެވެ. މި ފިލްމަކީ ރާނީގެ ފިރިމީހާ އަދިތިޔާ ޗޯޕްޅާގެ ފިލްމު ކުންފުނި، ޔާޝްރާޖް ފިލްމްސް، ވައިއާރްއެފް ގެ ފިލްމެކެވެ.
