ބޮލީވުޑްގެ ޒުވާން ދެ ތަރިން ކަމުގައިވާ ސިދާތް މަލޯތްރާ އާއި ކިއާރާ އަދުވާނީ ކައިވެނި ކޮށްފިއެވެ.
ސިދާތް އާއި ކިއާރާގެ 'ސިއްރު' ކައިވެނީގެ ރަސްމިއްޔާތުތަށް ފެށިގެން މީގެ ދެދުވަސް ކުރިން ކުރިއަށް ދާއިރުގައި ކުރިންވެސް މި ކައިވެނި އޮންނާނީ މިމަހުގެ 7 ގައި ކަމަށް މީޑިއާއިން ވަނީ ރިޕޯޓް ކޮށްފައިއެވެ.
މި ދެ ތަރިންގެ ކައިވެނީގެ ހަފުލާ އޮތީ ވަަރަށް ކުލަގަދަކޮށް ޖެއިސަލްމާރުގެ ގަނޑުވަރެއް ކަމަށްވާ ސޫރިއަގަރް ޕެލަސްގަ އެވެ. މި ކައިވެނި ކުރިއަށް ދިއައީ ހިންދޫ ދީނުގެ ސަގާފަތާއި އާދަކާދަ އާއި އެއްގޮތްވާ ގޮތުގެ މަތިންނެވެ. މި ކައިވެނީގެ ހަފްލާގައި ބައިވެރިވީ ދެފަރާތުގެ އާއިލާ އާއި ގާތް ރަހުމަތްތެރިންނެވެ.
View this post on Instagram
ސިދާތާއި ކިއާރާ މިއަދު ކައިވެނިކޮށްފައި މި ވަނީ ތަރިންގެ ކައިވެނީގެ ވާހަކަ މިދިޔަ އަހަރުން ފެށިގެން ދެކެވެމުން އަންނަނިކޮށެވެ. މިދެތަރިން ގެ ލޯބީގެ ފެށުމަކީ އެކުގައި ކުޅުނު ފުރަތަމަ ފިލްމް "ޝޭރްޝާހް" އިންނެވެ.
މި ފިލްމަކީ ބޮކްސް އޮފީހުގައި ބޮޑޫ ކާމިޔާބެއް ހޯދި ފިލްމްއަކަށެވެ. 2 އަަހަރެއްހައި ދުވަހު ރައްޓެހިވެގެން އުޅުމަށްފަހު އެމީހުން ކަިއވެނި ކުރާ އިރުގައި ދެމީހުންނަކީވެސް ބޮލީވުޑްގައި ނަން ހިގާ ދެ ތަރިންނެވެ.
