އުމުރުން 65 އަހަރުވެފައިވާ މީހުންނަށް 5000 ރުފިޔާގެ ޕެންޝަނެއް ދޭން ފެށީ ރައީސް އިބްރާހީމް މުހައްމަދު ޞާލިހުގެ ސަރުކާރުންކަމަށް ރައްޔިތުންގެ މަޖިލީހުގެ މަރަދޫ ދާއިރާގެ އެމްޑީޕީގެ މެމްބަރު އިބްރާހީމް ޝަރީފް ވިދާޅުވެއްޖެއެވެ.
އޭނާ މިހެން ވިދާޅުވީ ދައުލަތުން ދުވަސް ވީ މީހުންނަށް ދޭ ޢިނާޔަތާ ގުޅޭގޮތުން މިއަދު ކުރެއްވި ޓްވީޓެއްގައެވެ.
އެ ޓުވީޓުގައި ވިދާޅުވެފައިވަނީ އެންމެ ފުރަތަމަ މުސްކުޅިންނަށް ޕެންޝަން ދޭން ފެށީ، މަޖިލީހުން ފާސްކުރި ޕެންޝަނާބެހޭ ޤާނޫނުގެ ދަށުން ކަމަށެވެ. އެއީ ކުރީގެ ރައީސް މައުމޫނުގެ ސަރުކާރުން ހުށަހެޅި ބިލެއްކަމަށާ، އެހަޤީޤަތް އޮޅުވާލަން ބަޔަކު ވަރަށް މަސައްކަތްކޮށްފިކަމަށެވެ. އަދިވެސް އެކަން މިހާރުވެސް އެބަޔަކު އަންނަނީ ކުރަމުންކަމަށް މަވޯޓާ ވިދާޅުވިއެވެ.
މަޖިލީހުން ފާސްކުރި ޤާނޫނުގެ ދަށުން އުމުރުން ދުވަސްވީ މީހުންނަށް ފުރަތަމަ ދޭންފެށީ 2000 ރުފިޔާކަން ފާހަގަކުރައްވައި މަވޯޓާ ވިދާޅުވީ އެޢަދަދު 5000 ރުފިޔާއަށް ބަދަލުކުރެއްވީ ރައީސް ޞާލިޙުގެ ސަރުކާރުންކަމަށެވެ.
Muskulhinnah pension dheynfettee Majlis in faas kuri Pension Qanoon ge dhashun.E qanoon Malisah husha elhunee @maumoonagayoom ge verikamuga.Mihageegai olhuvaalan varahmasakkaiy bayakukoffa othee adhives kuramun dhanee.Eyru dhinee 2haas. @ibusolih ge verikamuga 5K ah hedhee
— Ibrahim Shareef (@AdduShareef) January 24, 2023
ޕެންޝަން ޤާނޫނުގެ ދަށުން ޢުމުރުން ދުވަސްވީމީހުންނަށް ދެމުންއައި 2000 ރުފިޔާ 5000 ރުފިޔާއަށް ބަދަލުކުރުމަކީ ރައީސް ޔާމީންގެ 2013ވަނަ އަހަރުގެ ރިޔާސީ ވަޢުދެކެވެ. އެވަޢުދު އެމަނިކުފާނު ވެވަޑައިގަތީ އެއަހަރު ދައުލަތުގެ މީޑިއާއިން ބޭއްވި ރިޔާސީ ކެންޑިޑޭޓުންގެ ބަޙުސްގައި ދަރުބާރުގޭގައެވެ.
އެފަހަރުގެ ރިޔާސީ އިންތިޚާބު ކާމިޔާބުކުރެއްވުމަށްފަހު ރައީސް ޔާމީން ވަނީ އެވަޢުދު ފުއްދަވައި މުސްކުޅިންނަށް 5000 ރުފިޔާ ދެއްވަން ފައްތަވާފައެވެ.
ކޮމެންޓު ފޮނުވާ