އެމެރިކާގައި ލޫނާ ނިއުއިޔަރ ފާހަގަ ކުރަމުންދަނިކޮށް، އިވެންޓެއްގެ ތެރެއަށް ވަދެގަނެ ބަޑިން ހަމަލާދީ 10 މީހުން މަރާލިކަމަށް ޝައްކު ކުރެވޭ މީހާ ވޭނެއްގެ ތެރޭގައި މަރުވެފައި ވަނިކޮށް ފުލުހުންނަށް ފެނިއްޖެއެވެ.
އެމެރިކާގެ ލޮސް އޭންޖެލްސްގެ ކައުންޓީ ޝެރިފްގެ ރޮބަރޓު ލޫނާ ވިދާޅުވި ގޮތުގައި މި ހަމަލާ ދިންކަމަށް ބެލެވެނީ އުމުރުން 72 އަހަރުގެ ހޫ ކޭން ޓްރޭން ނަމަކަށް ކިޔާ މީހެކެވެ. އަދި އޭނާ އަމިއްލައަށް މަރުވެފައިވަނީ ފުލުހުންގެ އަތްދަށުން އޭނާއަށް ސަލާމަތް ނުވެވޭނެކަން އެގުމުން ކަމަށްވެސް ފުލުހުން ބުނެފައި ވެއެވެ.
ޕޮލިސް އޮފިސަރު ލޫނާ ނޫންވެރިންނަށް މައުލޫމާތު ދެމުން ވިދާޅުވެފައިވަނީ، 10 މީހަކު ޒަޚަމްވި މި ހަމަލާގައި ޝައްކު ކުރެވޭ އެހެން މީގެއް ނެތްކަމަށާއި، ހަމަލާގެ މަގުސަދު އަދި މުޅިން ސާފުވެފައި ނުވާކަމުގައެވެ.
އާދީއްތަ ދުވަހު ހެނދުނު މި ހަމަލާ ދީފައިވަނީ އެމެރިކާގެ ލޮސް އެންޖެލްސްގެ މޮންޓްރޭ ޕާރކްގެ ގާވޭ އެވެނިއުގައި ހުންނަ ޑާންސް ކުލަބެއްގެ ބޯލް ރޫމްއަށް ގިނަބަޔަކު އެއްވެފައި ވަނިކޮށެވެ. މި ޓައުނަކީ އެމެރިކާގެ އޭޝިއާ ދަރިކޮޅުގެ ގިނަ ަބަޔަކު ދިރިއުޅޭ ޓައުނެކެވެ.
މި ހަމަލާއަށްފަހު ނޫސްވެރިންނަށް މައުލޫމާތު ދެމުން ފުލުހުން ވިދާޅުވެފައިވަނީ މިހަމަލާގައި 5 ފިރިހެނުންނާއި 5 އަންހެނަކު މަރުވެފައި ވާކަމުގައެވެ. އަދި ޒަޚަމްވި މީހުންގެ ތެރޭގައި ހާލު ވަރަށް ގޯސް މީހުންވެސް ތިބިކަމަށް ފުލުހުން ހާމަ ކޮށްފައި ވެއެވެ.
އެމެރިކާއަކީ ބަޑިގެ ހަމަލާތަކުގައި ކޮންމެ އަހަރަކުވެސް ގިނަ އަދަދެއްގެ ބަޔަކު މަރުވާ ގައުމެކެވެ. ފާއިތުވެދިޔަ އަހަރު އެމެރިކާގެ ނާސަރީ ސްކޫލަކަށް ބަޑި ހިފައިގެން ހުރި މީހަކުވަދެ ދިން ހަމަލާއެއްގައި ގިނަ ކުޑަކުދިންތަކެއްވެސް ވަނީ މަރުވެފައެވެ. މި ހަމަލާއަށްފަހުވެސް ހަމަލާދިން މީހާ ވަނީ އަމިއްލައަށް މަރުވެފައެވެ.
