މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގެ ކެމްޕޭންގައި ފުވައްމުލަކާއި އަދި ހުވަދޫ އޮތޮޅަށް ކުރެއްވި ދަތުރުފުޅު ނިންމަވާލެއްވުމަށް، ރައީސް ސާލިހު މިއަދު ކ. ގުރައިދޫއަށާއި ކާށިދޫއަށް ވަޑައިގަތުމަށް ހަމެޖެހިއްޖެއެވެ.
ރައީސް ސާލިހުގެ "އެމްޑީޕީ ކުރިއަށް" ކެމްޕޭންގެ ފަރާތުން ހާމަ ކޮށްފައިވާ ގޮތުގައި، މިއަދު މި ދެރަށަށް ވަޑައިގެންނެވުމަށްފަހު ދެރަށުގައިވެސް ތިބި އެމްޑީޕީގެ މެމްބަރުންނާއި ރައީސް ސާލިހު ބައްދަލު ކުރައްވާނެއެވެ.
މިހަފްތާގައި ރައީސް ސާލިހު ކ. އޮތޮޅުގެ ބައެއް ރަށްތަކަށް ވަޑައިގަންނަވާއިރު، ފާއިތުވެދިޔަ ދެ ދުވަހު ރައީސް ސާލިހު ކެމްޕޭން ކުރައްވާފައިވަނީ ފުވައްމުލަކުގެ އިތުރުން ގދ. ތިނަދޫގައާއި ގދ. ވިލިގިލީގައެވެ.
މީގެ އިތުރުން ފާއިތުވެދިޔަ ހަފްތާގައި ހއ، ހދ، ށ އަދި ލ އަތޮޅުގެ ރަށްތަކަށް ދަތުރު ކުރެއްވުމުގެ ކުރިން ރައީސް ސާލިހުވަނީ ރ. ބ. ޅ. ހއ. ހދ ށ. ނ. އަތޮޅުގެ އިތުރުން އައްޑޫ އަތޮޅަށްވެސް ވަޑައިގެންފައެވެ.
ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް ނަޝީދުވެސް ވަނީ ފާއިތުވެދިޔަ ހަފްތާގައި ހުވަދޫ އޮތޮޅުގެ ގިނަ ރަށްތަކަށް ދަތުރު ކުރައްވާފައެވެ.
ކޮމެންޓު ފޮނުވާ