ބޮލީވުޑްގެ ތަރި އަޖޭ ދޭވްގަން ޑައިރެކްޓްކޮށް، ކުޅުނު ހަތަރު ވަނަ ފިލްމު "ބޯލާ" ރިލީޒް ކުރާ ދުވަސް އިއުލާން ކޮށް އައު ޕޯސްޓަރެއް ބެލުންތެރިންނަށް ދައްކައިލައިފިއެވެ.

އަޖޭ އާއި އެކުގައި ތާބޫ ފެނިގެންދާ މި ފިލްްމް އަކީ ގިނަ އެކްޝަން މަންޒަރު ތަކެއް ވެސް ހިމެނޭ ފިލްމްއެކެވެ. ފިލްމް ރިލީޒް ކުރަން މަހަޖެހިފައިވަނީ މާޗް މަހުގެ 30 ވަނަ ދުވަހުގައިއެވެ.

 

View this post on Instagram

 

A post shared by Ajay Devgn (@ajaydevgn)

އަޖޭ އެންމެ ފަހުން ފެނިގެން ގޮސްފައިވަނީ އަމިއްލައަށް ޑައިރެކްޓްކޮށް ލީޑް ރޯލް ކުޅެފައިވަނީ މިއަހަރު ނެރުނު ފިލްމު ރަންވޭ 34 ގައެވެ. އޭނާއާއެކު ފިލްމުން ދެން ފެނިގެންދާނީ އޭނާގެ ގާތް ރަހުމަތްތެރިޔާ ތަބޫ އެވެ. ތާބޫ އާއި އަޖޭ އެކުގައި ވަނީ ގިނަ ފިލްމް ތަކެއް ކުޅެފައިއެވެ. އަދި އެދެމީހުންނަކީ ވަރަށް ގާތް ދެމީހުންނެވެ.

މި ފިލްމަކީ 2019 ވަނަ އަހަރުގެ ކާމިޔާބު، ތަމަޅަ އެކްޝަން ތުރިލާ "ކައިތީ"ގެ ރިމޭކެކެވެ. އެ ފިލްމުގައި ދައްކުވައިދެނީ ޖަލުން މިނިވަންވާ ގައިދީއަކު އޭނާ މިނިވަންވާ ރޭ ސްމަގުލް ގޭންގެއްގެ ކިބައިން ފުލުހުން ސަލާމަތްކުރުމަށް ކުރާ މަސައްކަތެވެ. އެކަން އޭނާ ކުރަނީ ޔަތީމުހާނާއެއްގައި ހުރި އޭނާގެ ދަރިފުޅާ ބައްދަލުކުރުމަށް ބޭނުންވާތީއެވެ. އަދި ފުލުހުން އޭނާއަށް އެކަމުގައި ވާ އެހީތެރިކަނަ ފިލްމުގައި ދައްކުވައިދެއެވެ.

 

View this post on Instagram

 

A post shared by Tabu (@tabutiful)

މި ފިލްމް އަކީ އަޖޭ އާއި ތާބޫ އެކުގައި ފެނިގެންދާ 9 ވަނަ ފިލްމްއެވެ. މި ފިލްްމްގައި ތައްބޫ ފެނިގެންދާނީ ފުލުހުންގެ މަތީ ރޭންކްގެ އޮފިސަރެއްގެ ގޮތުގައެވެ. އަޖޭގެ ފުރަތަމަ ޑައިރެކްޝަނަކީ 2008 ގެ ފިލްމު "ޔޫ މީ އޮރް ހަމް" އެވެ. އެއަށްފަހު 2016 ވަނަ އަހަރުގެ ފިލްމު "ޝިވާއީ" އަކީ އަޖޭގެ 2 ވަނަ ޑައިރެކްޝަނެވެ.