އަތޮޅުިތަކުގެ ރަށްރަށަށް ދަތުރުކޮށްލުމުން އެނގެނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް އޮތް، ރައްޔިތުންގެ ހިފެހެއްޓުމަށް ނެތް ޝުކުރުކަމަށް އެމްޑީޕީގެ ކުރީގެ ޗެއަރޕާސަން ރީކޯ މޫސާ މަނިކު ވިދާޅުވެއްޖެއެވެ.

ރީކޯ މޫސާ މަނިކު ކުރެއްވި ޓްވިޓެއްގައި ވިދާޅުވެފައިވަނީ އަތޮޅުތެރޭގަ ދަތުރުކޮށްލުމުން ރަށްރަށުގެ ތަރައްޤީ ރައީސް އިބްރާހީމް މުޙައްމަދު ޞާލިޙުގެ ސަރުކާރުން ކުރައްވާފައިވާ އަދި ކޮށްދެއްވަމުންގެންދަވާ މަސައްކަތް ފެންނިގެންދާކަމަށެވެ. އަދި އެކަމަށްޓަކާ ރައްޔަތުނގެ ހފެހެއްޓުމެއްނެތް ޝުކުރު ރައީސް ޞާލިޙަށް އޮތްވަރު ފެނިވަޑައިގަންނަވާކަމަށް ރީކޯ މޫސަ ވިދާޅުވިއެވެ. އެހެންކަމުން އެމްޑީޕީގެ ރިޔާސީ ޕްރައިމެރީގެ ކެމްޕެއިން ނިމޭއިރު ރައީސް ޞާލިޙް ބޮޑުތަނުން ކާމިޔާބުކުރައްވާނެކަން ޔަޤީނަކަމަށްވެސް މޫސަ ވިދާޅުވިއެވެ. 

އަތޮޅުތެރޭގަ ދަތުރުކޮށްލީމަ އެނގެނީ ރ@ibusolih ރަށްރަށުގެ ތަރައްޤީ އަށްކޮށްދެއްވާފަ އަދި ކޮށްދެއްވަމުންގެންދަވާ މަސައްކަތް، އެކަމަށްޓަކާ ރައްޔަތުނގެ ހފެހެއްޓުމެއްނެތް ޝުކުރު ރ އިބޫއަށް އޮތްވަރު، MDPކުރިއަށް، ކެމްޕޭން ނިމޭއިރު ބޮޑުތަނުން ކާމިޔާބުކުރައްވާނެ

— Moosa Maniku (Reeko) (@ReekoMoosa) January 10, 2023

އެމްޑީޕީގެ ޕްރައިމަރީ މިމަހުގެ 28 ވަނަ ދުވަހު ބާއްވާއިރު ދެ ކެނޑިޑޭޓުންވެސް ގެންދަވަނީ ވާދަވެރި ކެމްޕެއިނެއް ކުރައްވަމުންނެވެ. އެގޮތުން ޖަގަހަ ޖަލްސާތަކާއި، އަތޮޅުތެރޭގެ ދަތުރުތައްވެސް ވަނީ ފަށާފައެވެ.