ޑައިރެކްޓަރު އިންދްރާ ކުމާރުގެ ކުރިއަށް އޮތް ފިލްމް ވެސް އެންމެ ފަހުން އޭނާ ގެނެސްދިން ފިލްމް "ތޭންކް ގޯޑް" ގެ ލީޑު ތަރި ސިދާތް މަލޯތްރާއަށް ލިބިފައިވާކަމަށް ހަބަރުތަށް ބުނެފިއެވެ.
ރަނގަޅ ތަރުހީބެއް ލިބިގެންދިއަ "ތޭންކް ގޯޑް" އަކީ ސިދާތް ގެ އިތުރުން އަޖޭ ދޭވްގަން އާއި ރަކުލް ޕްރީތް ސިންގް މުހިންމު ރޯލުތަކުން ފެނިގެން ގޮސްފައިވާ ފިލްމްއެވެ. މި ރޮމް ކޮމް އަކީ ބޮކްސް އޮފީހުގައި ރަނގަޅު ކާމިޔާބެއް ހޯދި ފިލްމްއެކެވެ.
ފިލްްމްގެ ޑައިރެކްޓަރު އިންދްރަ ކުމާރުގެ ކުރިއަށް އޮތް ފިލްމްގައި ފެނިގެންދާނީ ސިދާތް މަލޯތްރާ ކަމަށާއި އެ ފިލްމް އަކީ ވެސް ރޮމޭންޓީކް- ކޮމެޑީ އެއް ކަމަށް ހަބަރުތަށް ބުނެއެވެ.
ބޮލީވުޑް ހަންގާމާ އިން ބުނި ގޮތުގައި ފިލްމް ސިދާތް އަށް ވަނީ ހުށައަޅާފައިއެވެ. ނަމަވެސް އަދި ސިދާތްގެ ފަރާތުން މި ފިލްމް އަށް އެއްވެސް ޖަވާބެއް ދީފައިއެއް ނުވެއެވެ. ނަމަވެސް އިންދްރާ އާއި ސިދާތް އަންނަނީ ފިލްމް އާއި ބެހޭގޮތުން މަޝްވަރާތަށް ކުރަމުން ކަމަށް ވެއެވެ.
އިންދްރާ ގެ މި ފިލްމް އަކީ ބޮޑު ކާސްޓަކާއި އެކުގައި ވަރަށް ބޮޑު ކޮށް ހަދަން ނިންމައިފައިވާ ފިލްމްއެއް ކަމަށްވެއެވެ. އަދި ފިލްމް ވަރަށް އަވަހަށް ރަސްމީކޮން އިއުލާން ކުރާނެ ކަމަށްވެސް ވެއެވެ.
View this post on Instagram
ސިދާތްގެ ކުރިއަށް ބޮޑެތި ޕްރޮޖެކްޓް ތަކެއް އެބަހުއްޓެވެ. އެގޮތުން މި އަހަރު ސިދާތްގެ ދެ ފިލްމް އެއް މިހާރު ވަނީ ސިނަމާތަކަށް ގެންނާނެ ކަން ޔަގީންވެފައިއެވެ. އެއީ ސައުތުގެ ބަތަލާ ރަޝްމިކާ މަންދަނާ އާއިއެކުގައި ފެނިގެންދާ ފިލްމް "މިޝަން މަޖްނޫ" އާއި ސައުތުގެ މަޝްހޫރު ބަތަލާ ރާޝީ ކަންނާ އާއި އެކުގައި ފެނިގެންދާ ފިލްމް "ޔޯދް"އެވެ.
