އަޖޭ ދޭވްގަން ފުލުހެއްގެ ރޯލު ކުޅޭ ކާމިޔާބު ފްރެންޗައިޒް "ސިންގަމް" ގެ ތިން ފިލްމު މަސައްކަތްތަށް ވަރަށް ބާރު ސްޕީޑުގައި ކުރިއަށް ދާކަމަށް ހަބަރުތަށް ބުނެފިއެވެ.
ފިލްމްގެ ޑައިރެކްޓަރާއި އެކުގައި ނަގާފައިވާ ފޮޓޯއަކާ އެކީ އަޖޭ މިއަދު ސޯޝަލް މީޑިއާގައި ބުނީ "ސިންގަމް އެގެއިން" ގެ މަސައްކަތް ހަލުވި ކަމާއި އެކުގައި ކުރިއަށް ދާކަމަށެވެ. އަދި ފިލްމްގެ އިންތިޒާރުގައި ތިބި މީހުންނަށް މީ ވަރަށް މުހިންމު އަޕްޑޭޓަކަށް ވާނެ ކަމަށް ބެލެއެވެ.
View this post on Instagram
"ސިންގަމް" ގެ ފުރަތަމަ ފިލްމް 2011 ގައި ގެނެސްދިނުމަށް ފަހު "ސިންގަމް ރިޓާންސް" ގެނެސްދިނީ 2014 ގަ އެވެ. އަދި ދެ ފިލްމު ވެސް ވަރަށް ކާމިޔާބީއެވެ. 2011 ވަނަ އަހަރު ގެނެސްދިން ފިލްމްގައި އަޖޭ އާއި އެކުގައި ފެނިގެން ދިއައީ ސައުތުގެ މަޝްހޫރު ބަތަލާ ކާޖަލް އަގަރްވާލެވެ. އަދި "ސިންގަމް ރިޓާން" އިން އަޖޭ އާއި އެކުގައި ފެނިގެންދިއައީ ބޮލީވުޑްގެ މަޝްހޫރު ބަތަލާ ކަރީނާ ކަޕޫރެވެ.
"ސިންގަން އެގެއިން" ގެ ޑައިރެކްތަރަކީ އެކްޝަން ފިލްމް ތަށް ހެދުމަށް ކުޅަދާނަ ޑައިރެކްޓަރު ރޯހިތު ޝެޓީއެވެ. އޭނާ އެންމެ ފަހުން މަސައްކަތް ނިންމާލީ "ސާކަސް"ގެއެވެ. ލީޑުން ރަންވީރު ސިންގް ފެނިގެންދާ މި ފިލްމް އަކީ ބެލުންތެރިންގެ ފިނި ތަރުހީބެއް ލިބިގެންދިއަ ފިލްމްއެކެވެ.
