ފެށޭ އައު އަހަރާއި ދިމާކޮށް ސިނަމާތަކަށް ގެނައުމަށް ތައްޔާރު ވަމުން އަންނަ ފިލްމް "ކުއްތޭ" ގެ ޓްރެއިލާ މިއަދު ދައްކާލައިފި އެވެ. މީގެ ކުރިން ވަނީ މި ފިލްމް ގެ ޕޯސްޓަރާއި އެކުގައި ތަރިން ވެސް ތައާރަފް ކޮށްފައެވެ.
އެޕޯސްޓަރު ގައި މީހުންގެ މޫނުގެ ބަދަލުގައި ތަފާތު އެކިކަހަލަ ކުއްތާގެ ބޯތަކަކާއި އެކުގައި ދައްކައިލައިފައިވާއިރުގައި މި ފިލްމަކީ ވަރަށް ތަފާތު ފިލްމަކަށް ވާނެކަމަށް ގިނަ ބަޔަކު އަންނަނީ ބުނަމުނެންވެ.
View this post on Instagram
މި ފިލްމަކީ ކުޅަދާނަ ޑައިރެކްޓަރު ވިޝާލް ބަރަދްވާޖް ދަރިފުޅު އާސްމާން ބަދަރްވާޖްގެ އަލަތު ޑައިރެކްޝަނެވެ. ވިޝާލް އަކީ "ސާތު ހޫ މާފް"، "އޯމްކާރާ" އަދި "ހައިދަރު" ފަދަ ތަފާތު ފިލްމު ތަކެއް ގެނެސްދީފައިވާ ޑައިރެކްޓަރެކެވެ.
އާސްމާންގެ ފުރަތަމަ ފިލްމު "ކުއްތޭ" ސިނަމާތަކަށް ގެނައުމަށް ތާވަލް ކޮށްފައިވަނީ ފެށޭ އާ އަހަރުގެ ޖެނުއަރީ މަހުގެ 13 ގައިއެވެ. ވިޝާލްގެ ފިލްމު ކުންފުންޏާއި ޑައިރެކްޓަރު ލަވް ރަންޖަންގެ ލަވް ފިލްމްސްގެ އިތުރުން ބޫޝަން ކުމާރުގެ ޓީ ސީރީޒް ގުޅިގެން ގެނެސްދޭ ފިލްމުގެ ކާސްޓުގައި އަރުޖުން ކަޕޫރް، ތައްބޫ، ނަސީރުއްދީން ޝާހް، ރާދިކާ މަދަން، ކޮންކޮނާ ސެން ޝަރުމާ، ކުމުދު މިޝްރާ އަދި ޝަރުދުލް ބަރަދްވާޖް ހިމެނެ އެވެ.
