މިއަހަރުގެ ޑިސެމްބަރުގައި ކައިވެނި ކުރާނެ ކަމަށް ކުރިން މީޑިއާއިން ރިޕޯޓްކޮށްފައިވާ ބޮލީވުޑްގެ ޖޯޑުކަމުގައިވާ ކިއާރާ އަދުވާނީ އާއި ސިދާތް މަލޯތްރާ ފެށޭ އާއު އަހަރުގައި ކައިވެނި ކުރާނެކަމަށް މިޑިއާ ރިޕޯޓަތށް ބުނެފިއެވެ.
އާއަހަރާ ދިމާކޮށް ޖެނުއަރީގައި އެމީހުން ކައިވެނި ކުރާނެ ކަމަށާއި މިހާރު ވެސް ހުރިހާ ތައްޔާރީތަކެއް ވަނީ ނިމިފައިކަމަށާއި އަދި ކައިވެނި ކުރާނެ ތަނެއްވެެސް މިހާރުވަނީ ނިންމައިފައި ކަމަށް ހަބަރުތަށް ބުނެއެވެ.
އެ ދެ މީހުންނާ ގާތް ބަޔަކާ ހަވާލާދީ ބޮލީވުޑް ހަންގާމާ އިން ބުނީ ޑިސެމްބަރުގައި ކައިވެނިކުރަން ނިންމައި ވަރަށް ބާރު ސްޕީޑްގައި ތައްޔާރީތައް ވަމުން އަންނަ ކަމަށެވެ. އަދި މި ޚަބަރަކީ ޝައްކެއް ނެތް މިންވަރަށް ކަށަވަރު ޚަބަރެއް ކަމަށްވެސް އޭރުގައި ވަނީ ބުނެފައިއެވެ. ނަމަވެސް ކައިވެނި ޖެނުއަރީއަށް ލަސްވީ އެމީހުން އަދިވެސް ތައްޔާރީތަށް ނުނިމޭތީ ކަމަށް ވއެވެ.
މިކައިވެނި ދެތަރިންވެސް ކުރަން ބެނުންވަނީ ވަރަށް ވެސް ކުލަގަދަކޮށް ވަރަށް ބޮޑު ހަފްލާއަކާއި އެކުގައި ގިންބައެއް ބަިއވެރިވެގެން ކަމަށް ވާތީ ތައްޔާރީތަށް ދިގުދެމިގެން ދަނީ ކަމަށް ވެއެވެ.
ސިދާތާއި ކިއާރާ ޑޭޓްކުރަން ފެށީ، އެ ދެ ތަރިން އެކުގައި ކުޅުނު ފުރަތަމަ ފިލްމު، "ޝޭރްޝާހް"ގެ ޝޫޓިންގެ ތެރެއިން ދިމާވެގެންނެވެ. އެ ފިލްމަކީ ދެމީހުން އެކުގައި ފެނިގެންދިޔަ އަލަތު ފިލްމު ވެސް މެއެވެ. އަދި ހަމައެއާއި އެކުގައި ފިލްްމ އަކީ ވަރަށް ކާމިޔާބު ފިލްމެކެވެ.
ކޮމެންޓު ފޮނުވާ