މި ހަފްތާގައި ޗުއްޓީ ހޭދަކޮށްލުމަށް ރައްޖެ އައި ބޮލީވުޑްގެ ބަތަލާ ޖާންވީ ކަޕޫރު ރާއްޖެ އައީ އޭނާގެ ލޯބިވެރިޔާ ޝިކާރު ޕަހާރިޔާ އާއި އެކުގައި ކަމަށް އާންމުން ބުނަން ފަށައިފިއެވެ.

ޝޯޝަލް މީޑިއާގައި އެގޮތަށް އާންމުކޮށްފައިވާ އެއް ފޮޓޯއާއި ހެދި ގިނަ ބަޔަކު މިހާރު ވަނީ ޝައްކެއްގެ ތެރޭގައެވެ. ޖާންވީ އޭނާގެ ފޮޓޯއާއިއެކުގައި ދޫކޮށްލި ޕޯސްޓްގެ ކެޕްޝަންގައި "ރޮކިންގ ދަ ސްޓަނިންގ ބީޗް ލޫކް، މީޓް މީ އިން ދަ ޕޭލް މޫންލައިޓް" ލިޔެފައިވެއެވެ. ހަމަ މިއާއި އެއްގޮތް ފޮޓޯއެއްގައި "މޫން ސްޕިރިޓް" ކެޕަޝަންގައި ލިޔެ ޝިކާރު ޕަހާރިޔާ ވަނީ ދޫކޮއްލައިފައިއެވެ.

 

View this post on Instagram

 

A post shared by Janhvi Kapoor Official Fanpage (@jhanvi_kapoor_official)

ބައެއް މީހުން ބުނާ ގޮތުގައި އެ ދެމީހުން އެކުގައި އުޅޭތާ މިހާރު ދުވަސްގަނޑެއް ވެއްޖެއެވެ. ޖާންވީ އާއި އޭނާއާ އޮންނަ ގުޅުން ގާތްގަނޑަކަށް ކަށަވަރުވީ ކޮފީ ވިތު ކަރަންގެ 7 ވަނަ ސީޒަންގައި ބައިވެރިވެ ދެއްކި ވާހަކައެއްގެ ތެރެއިންނެވެ.

އެ ޝޯވގައި ދެއްކި ވާހަކައެއްގައި ކަރަންވަނީ އެހަބަރު ކަށަވަރު ކޮށްދީފައިއެވެ. ކަރަން އެވާހަކަ ދެއްކިއިރުގައި އެމީހުން ވަނީ އޭރު ރުޅިވެފައި ކަމަށްވެއެވެ. ނަމަވެސް ފަހުން އަނެއްކައިވެސް ދެމީހުން ވަނީ އެކުގައި ފެނިގެން ގޮސްފައިއެވެ.

ޝިކާރް އަކީ ވިޔަފާރީ އާއިލާ އަށް ނިސްބަތްވާ ކުއްޖެކެވެ. އޭނާގެ ކާފައަކީ މަހާރާޝަތުރާގެ ކުރީ ޗީފް މިނިސްޓަރު ސުޝިލް ކުމާރު ސިންދޭއެވެ. އެހެންކަމުން ޝިކާރްގެ ސިޔާސީ ބެކްގްރައުންޑްއެއްވެސް އޮވެއެވެ.

 

View this post on Instagram

 

A post shared by Shikhar Pahariya (@shikharpahariya)

ޖާންވީ ރާއްޖެ އައި ކަމުގައިވިޔަސް އޭނާ ޕޯސްޓް ކުރަމުން އަންނަނީ އެކަނި ހުރި ފޮޓޯއެވެ. އެހެންވެ އޭނާ ރާއްޖެ އައީ ކާކާ އެކުގައިތޯ ގިނަ ބަޔަކު ތިބީ ބަލާލުމަށް ކެތް މަދުވެފައިއެވެ. ނަމަވެސް ގިން ބަޔަކު މިހާރު އިއްތިފާގްވާ ގޮތުގައި އޭނާ އަލުން ޝިކާރް އާއި ގުޅިފައިވާ ކަމަށާއި ރާއްޖެ އައީ ދެމީހުން އެކުގައި ކަމަށް ގަބޫލު ކުރެވެއެވެ.

ބޮލީވުޑްގައި މިހާރު ކުރިއަރަމުން އަންނަ ބަތަލާގެ ދެ ފިލްމެއް މި އަހަރު ރިލީޒްވި އެވެ. އެއީ މިދިޔަ ރިލީޒްކުރި "މިލީ" އާއި ޖުލައިގައި ރިލީޒްކުރި "ގުޑް ލަކް ޖެރީ" އެވެ.