ބޮލީވުޑްގެ އެކްޓަރު ވަރުން ދަވަން އާއި އެކުގައި ޑައިރެކްޓަރު އަނީސް ބަޒްމީ ހަދަން ނިންމައިފައިވާ ފިލްމް އަށް ނަމެއް ދީފިއެވެ. ވަރުން އާއި އަނީސް ފިލްމްއެއްގެ މަސައްކަތަށް ތައްޔާރުވަމުން އަންނަ ކަމަށް ވާހަކަ ދެކެވޭތާ ދުވަސް ތަކެއްފަހުން ފިލްމްގެ ނަން މިވަނީ އިއުލާން ކޮށްފައިއެވެ.
މީޑިއާ"5 މިނިޓް ކާ ސުޕަހީރޯ" ގައި ކިޔައިދޭނީ އާދަޔާ ޚިލާފު ބާރުތަކެއް ލިބިފައިވާ މީހެއްގެ އެ ބާރުތައް ފަސް ވަރަކަށް މިނިޓްގެ ތެރޭގައި ގެއްލުމުން ދެން ދިމާވާ ކަންތައްތަކެވެ. މީ ކޮމެޑީއެކެވެ.
"5 މިނިޓް ކާ ސުޕަހީރޯ" ގެ ސްކްރިޕްޓް އެއްކޮށް ނިންމާލުމަށް ފަހު، މާ ލަސްތަކެއް ނުވެ ފިލްމު ރަސްމީކޮށް އިއުލާން ކުރާނެ އެވެ. މިއީ ޑައިރެކްޓަރު އަނީސްގެ ޑްރީމް ޕްރޮޖެކްޓެކެވެ.
އާންމުކޮށް ކޮމެޑީ ފިލްމުތައް ގެނެސްދޭ އަދި މިހާތަނަށް އެތައް ފިލްމެއް ހަދާފައިވާ އަނީސްގެ އެންމެ ފަހުގެ ފިލްމަކީ މި އަހަރުގެ އެންމެ ކާމިޔާބު ފިލްމުތަކުގެ ތެރޭގައި ހިމެނޭ "ބޫލްބުލައްޔާ 2″ އެވެ.
ވަރޫންގެ އެންމެ ފަހުގެ ފިލްމަކީ މިދިޔަ މަހު ރިލީޒްކުރި "ބޭޅިޔާ" އެވެ. އެފިލްމް ގައި ވަރުން އާއި އެކުގައި ފެނިގެން ދިއައީ ބަތަލާ ކްރިތީ ސެނޮންއެވެ. މީ މިދެރިން އެކުގައި ކުޅުނު ދެވަނަ ފިލްމްއެވެ. ވަރުންގެ ކުރިއަށް ހުރި ފިލްމް ތަކުގެ ތެރޭގައި "ބަވާލް" ފާހަގަ ކޯށްލެވެއެވެ. މި ފިލްމްގައި ވަރުން ފެނިގެންދާނީ ޖާންވީ ކަޕޫރު އާއި އެކުގައިއެވެ.
ކޮމެންޓު ފޮނުވާ