އަޅުގަނޑުމެންގެ ތެރެއިން ކޮންމެ މީހަކީވެސް ފަސާދައާ ދެކޮޅު، އަދި ފަސާދައަށް ފާޅުގައި ނޫނެކޭ ބުނާ މީހަކަށް ވާންޖެހޭކަމުގައި އެންޓި-ކޮރަޕްޝަން ކޮމިޝަން (އޭސީސީ)ގެ ރައީސް އާދަމް ޝާމިލް ވިދާޅުވެއްޖެއެވެ.
ޝާމިލް މިހެން ވިދާޅުވީ ބައިނަލްއަޤްވާމީ އެންޓި-ކޮރަޕްޝަން ދުވަހުގެ މުނާސަބަތުގައި ފޮނުއްވި ތަހުނިޔާގެ މެސެޖުގައެވެ. އެމެސެޖުގައި އޭނާވަނީ ދުވަހުގެ ހެޔޮ އެދުމާއި ތަހްނިޔާ އޭސީސީގެ އެންމެހައި މުވައްޒަފުންނާއި ދިވެހި ރައްޔިތުންނަށް ފޮނުވާފައެވެ. އަދި ކޮރަޕްޝަނާ ދެކޮޅަށް މަސައްކަތްކުރާ އަމިއްލަ ޖަމްޢިއްޔާތަކާއި ދައުލަތުގެ މުއައްސަސާތަކަށް ޝާމިލް ވަނީ ފޮނުއްވާފައެވެ.
ބައިނަލްއަޤްވާމީ އެންޓި-ކޮރަޕްޝަން ދުވަސް – 2022
އުންކަކް 20: މުޅި ދުނިޔެ އެކުގައި ކޮރަޕްޝަނާ ދެކޮޅަށް.International Anti-Corruption Day#UnitedAgainstCorruption#IACD2022#UNCAC20 pic.twitter.com/W8Fc811kHY
— ACC-MALDIVES (@ACC_Maldives) December 9, 2022
އޭނާގެ މެސެޖުގައި ވިދާޅުވެފައިވަނީ، އަޅުގަނޑުމެން ކޮންމެ މީހަކީވެސް ފަސާދައާ ދެކޮޅު މީހަކަށް ވާން ޖެހޭކަމަށެވެ. އަދި ފާޅުގައި އެފަދަ ކަންކަމާ ދެކޮޅުކަން ހާމަކުރާ ބަޔަކަށްވެސް ވާންޖެހޭކަމަށެވެ. އަދި އެކި މަޤާމުގަތުގައި ތިބޭ މީހުންނަށް އިޝާރާތްކުރައްވައި ޝާމިލްގެ ކުރު މެސެޖުގައި ވިދާޅުވެފައިވަނީ މަޤާމުގެ މަސްއޫލިއްޔަތު އަދާކުރުމުގައި ކޮންމެ މީހަކީވެސް ތެދުވެރިކަމާއި އަމާނާތްތެރިކަމާއި ނަޒާޙާތްތެރިކަންމަތީ ދާއިމަށް ދެމިތިބޭ ބައެއްކަމުގައި ވާންޖެހޭނެކަމަށެވެ.
ބައިނަލްއަޤްވާމީ އެންޓި ކޮރަޕްޝަން ދުވަސް ފާހަގަކުރަނީ 2003ވަނަ އަހަރުގެ އޮކްޓޯބަރު މަހުގެ 31ވަނަ ދުވަހު އދ.ގެ ކޮންވެންޝަން އެގެއިންސްޓް ކޮރަޕްޝަން ފާސްކުރި ފަހުން، ކޮންމެ އަހަރެއްގެ ޑިސެމްބަރު މަހުގެ 9 ވަނަ ދުވަހުއެވެ.
