ބޮލީވުޑަށް ތައާރަފް ވުމުގެ ދަތުރު ފަށައިފައިވާ އާރިޔަން ޚާން އޭނާގެ ފުރަތަމަ ޕްރޮޖެކްޓް ނިންމައިލިކަން އިއްޔެ އިއުލާން ކުރުމާއި އެކުގައި އޭނާގެ މައިންބަފައިން އެކަމަށް ވަރަށް ބޮޑަށް ހިތްވަރު ދީފިއެވެ.
އާރިޔަންގެ ބައްޕަ އަދި ބޮލީވުޑްގެ ކިންގް ހާން ޝާހުރުކް ހާން ބުނީ ކުރި މަސައްކަތަށް ސާބަސް ދޭ ކަމަށާއި ފުރަތަމަ މަސައްކަތަކީ އަބަދުވެސް ހާއްސަ މަސައްކަތެއް ކަމަށެވެ. ޝާހު އެކޭ އެއްފަދައިން ގޯރީވެސް ވެސް ވަނީ އާރިޔާން އަށް ހިތްވަރުދީފައިއެވެ.
އުމުރުން 24 އަހަރުގެ ޒުވާނާ ވެބް ސީރީޒަކަށް ސްކްރިޕްޓެއް ލިޔަމުން އަންނަ ވާހަކަ ދެކެވޭތާ ދުވަސްތަކެއްވެފައިވާ އިރު، އިއްޔެ އިންސްޓަގްރާމްގައި އާންމުކުރި ޕޯސްޓެއްގައި ވަނީ ސްކްރިޕްޓް ނިންމާލި ވާހަކަ ހިއްސާކޮށްފަ އެވެ.
View this post on Instagram
ކޮއްކޮ ސުހާނާ ހާންއާ ހިލާފަށް އެކްޓިން އަށް ނުކުތުމުގެ ބަދަލުގައި އާރިޔަންގެ ފުރަތަމަ މަސައްކަތަކަށް ވާނީ އާއިލީ ޕްރޮޑަކްޝަން ހައުސް ރެޑް ޗިލީ އެންޓަޓެއިންމެންޓުން އުފައްދާ ފިލްމެއްގެ ވާހަކަ/ސްކްރީންޕްލޭ އެވެ.
އާރިޔަން ތައްޔާރު ކުރި ސްކްރިޕްޓް ޑައިރެކްޓް ކުރާނީ އޭނާ ކަމަށްވެއެވެ. އަދި މިހާރު ޓެސްޓް ޝޫޓް ތަކެއްވެސް ޖައްސައިފައިވާކަމަށް ވެއެވެ. އާރިޔަން އުފައްދަނީ ވަރަށް ބޮޑަށް ޒުވާނުންނާއި ގުޅޭ ކަހަލަ އެއްޗެއްކަމަށް ވެއެވެ. ނަމަވެސް އިތުރު މައުލޫމާތެއް އަދި ހާމައެއް ނުކުރެއެވެ.
Over years I made a good house…Gauri made a good Home but I really believe we are the best at making some really good kids! https://t.co/pPi3pDhIoM
— Shah Rukh Khan (@iamsrk) November 4, 2019
އަރިއަން ފިލްމީ މަސައްކަތް ފަށައިގަންނަ އިރު، ކޮއްކޮ ސުހާނާ ޚާން އަންނަ އަހަރު ބޮލީވުޑަށް ތައާރަފުވާނެ އެވެ. އުމުރުން 22 އަހަރުގެ ސުހާނާ މިހާރު އަންނަނީ ޑައިރެކްޓަރު ޒޯޔާ އަޚްތަރުގެ "ދި އާޗީސް" ގެ މަސައްކަތްކުރަމުންނެވެ.
އާރިޔަން ވަނީ ޔުނިވާސިޓީ އޮފް ސަދާން ކެލިފޯނިއާ އިން ފައިން އާޓްސް، ސިނެމެޓިކް އާޓްސް އަދި ޓެލެވިޒަން ޕްރޮޑަކްޝަން އިން ބެޗެލާސް ޑިގްރީ ހާސިލްކޮށްފަ އެވެ.
