އެކްޓިންގ އިން ބްރޭކެއް ނެގީ އާއިލާ އާއެކުގައި ވަގުތު ހޭދަކުރެވޭ ވަރު މަދުކަމުން އާއިލާއަށް ވަގުތު ދިނުމަށް ކަމަށް ބޮލީވުޑްގެ ކިންގް ޚާންގެ ގޮތުގައި މަޝްހޫރު އެކްޓަރު ޝާހުރުކް ޚާން ބުނެފިއެވެ.

ސައުދީ އަރަބިއްޔާގެ ޖިއްދާގައި ކުރިއަށްދާ ރެޑް ސީ އިންޓަނޭޝަނަލް ފިލްމު ފެސްޓިވަލްގެ ދެވަނަ އެޑިޝަންގައި، ފެސްޓިވަލްގެ ފެށުމުގެ ރަސްމިއްޔާތުގައި މިދިޔަ ބުރާސްފަތި ދުވަހު ޝާހްރުކް ބުނީ އެކްޓިންގ އިން ބްރޭކް ނެގީ އެންމެ ފަހުން ރިލީޒްވި ފިލްމު "ޒީޒޯ" ފްލޮޕްވުމުން ނޫން ކަމަށާއި އާއިލާއަށް ވަގުތު ދިނުމުގެ ގޮތުން ކަމަށެވެ.

ޝާހް ވަނީ 5 އަހަރެއްހައި ދުވަހު ފިލްމީ މަސައްކަތާއި ދުރުގައި ހުރުމަށްފަހު އެނބުރި މަސައްކަތަށް ރުޖޫއަ ވެފައެވެ. ޝާހުގެ ފިލްމެއް އެންމެ ފަހުން ރިލީޒް ކުރީ 2018 ވަނަ އަހަރުއެވެ. އެއީ ފްލޮޕް ފިލްމް "ޒީރޯ"އެވެ. މި ފިލްމުގައި ޝާހު އާއި އެކުގައި ފެނިގެންދިއައީ ކެޓްރީނާ ކައިފް އަދި އަނުޝްކާ ޝަރުމާއެވެ.

މީގެ އިތުރުންވެސް މި ފިލްމުގެ ކުރިން ރިލީޒްވި އޭނަގެ އެހެން ފިލްމުތަކަކީ ވެސް ބެލުންތެރިން ބަލައިގަތް ފިލްމުތަކެއް ނޫނެވެ. އޭގެ ތެރޭގައި "ޖަބް ހެރީ މެޓް ސޭޖަލް" އާއި "ފޭން" އަދި "ރައީސް" ހިމެނެ އެވެ. ވަރަށް ފިނި ތަރުހީބެއް ލިިބިގެން ދިއަ މި ފިލްމް ތަކުގެ ސަބަބުން އޭނާގެ ކެރިއަރަށް ވަރަށް ބޮޑަށް އަސަރުކުރި ވެސް މެއެވެ. ފުލު ފުލުގައި ފިލްމުތައް ފްލޮޕް ވުމުގެ ސަބަބުން އޭރު އޭނާގެ ކެރިއަރާއި މެދު ސުވާލުވެސް އުފެދުނެއެވެ.

 

View this post on Instagram

 

A post shared by Raya Abirached (@rayaofficial)

ޖިއްދާގައި ކުރިއަށްދާ ރެޑް ސީ އިންޓަނޭޝަނަލް ފިލްމު ފެސްޓިވަލްގެ ދެވަނަ އެޑިޝަންގައި އޭނަގެ އައިކޮނިކް ފިލްމު ދިލްވާލޭ ދުލްހަނިޔާ ލޭޖާއޭގޭ (ޑީޑީއެލްޖޭ) ވެސް ޕްރީމިއާކޮށްފައިވާ އިރު، އެ ފެސްޓިވަލް ގައި ބައިވެރި ވުމަށްފަހު ޝާހު މިހާރު ހުރީ އެނބުރި ގައުމަށް އައިސްފައެވެ.

މި ފެސްޓިވަލްގައި ބައިވެރި ވުމުގެ ކުރިން އޭނާ ވަނީ ސައުދީގައި އޭނާ މިހާރު މަސަކަތް ކުރަމުން އަންނަ، ޑައިރެކްޓަރ ރާޖް ކުމާރު ހިރާނީގެ ފިލްމު "ޑަންކީ" ޝޫޓް ކޮށްފައެވެ. އަދި ޝޫޓިންގ ނިންމާލުމަށް ފަހު ޝާހު ވަނީ އުމްރާގެ އަޅުކަންވެސް އަދާކޮށްފައެވެ.

 

View this post on Instagram

 

A post shared by Red Sea Int. Film Festival (@redseafilm)

ޝާހްރުކް، 57، ގެ ތިން ފިލްމެއް އަންނަ އަހަރަށް އެބައޮތެވެ. އޭގެ ތެރެއިން ފުރަތަމަ ފިލްމަކީ އަންނަ މަހުގެ 25 ގައި ރިލީޒްކުރާ "ޕަޓާން" އެވެ. މީގެ އިތުރުން އަންނަ އަހަރުގެ ޖޫން 2 ގައި "ޖަވާން" އަދި އަންނަ އަހަރުގެ ޑިސެމްބަރު މަހުގެ ފަހުކޮޅު "ޑަންކީ" ސިނަމާތަކަށް އަންނާނެ އެވެ.