އަނިޔާވެރިން ކުރާ އަނިޔާތައް ދިގުލައިގެން ދިޔަޔަސް، އަނިޔާ ލިބޭ މީހުން މާޔޫސް ނުވުމަށް މިއަދު ހުކުރު ޚުޡުބާގައި ގޮވާލައްވައިފިއެވެ.
"އަނިޔާވެރިންނަށް މާތްالله މުހުލަތެއ ދެއްވައެވެ." މިމައުޞޫއަށް ޚާއްސަ ކުރެވިގެންދިޔަ މިއައުގެ ހުކުރު ޚުޡުބާގައި ވިދާޅުވެފައިވަނީ މުސްލިމުންނަކީ، ﷲ ކަން ހިންގަވާ ގޮތް ހިތުން ރުހުމުން ބަލައިގަން ބައެއް ކަމުގައެވެ.
މިގޮތުން އަޅުތަކުންނާބެހޭ އިލާހީ ސުންނަތައް ބަދަލެއް ނާންނާނޭކަން ބަޔާން ކުރައްވަމުން ޚުޡުބާގައި ވިދާޅުވި ގޮތުގައި ކިތަންމެ ބާރުގަދަ ފަރާތަކަށް ވިޔަސް، އެ ސުންނަތް ރައްދު ނުކުރެއްވޭނެ ކަމަށާއި، މާތް ﷲ ކަނޑައަޅުއްވާފައިވާ ވަގުތު ޖެހުމުގެ ކުރިން އެއިން އެއްވެސް ކަމެއް އަވަހެއްވެސް ނުމެ ކުރެވޭނެއެވެ.
މާތްﷲ ކަން ހިންގަވާ ގޮތަށް ބަލާއިރު، އަނިޔާވެރިން މަޑުމަޑު ހަލާކުގެ ތެރެއަށް ވައްޓަވައިލެއްވުން ވެއެވެ. އަނިޔާވެރިންނަށް ﷲ ދެއްވާ އުގޫބާތުން ސަލާމަތެއް ނުވެވޭނެއެވެ. މިއުގޫބާތް ދުނިޔޭގައިވެސް ލިބިދާނެއެވެ. އަދި އާޚިރަތުގައިވެސް ލިބިދާނެއެވެ. މި އުގޫބާތް ދެދުނިޔޭގައިވެސް ލިބިދާނެއެވެ.
ހުކުރު ޚުޡތުބާގައި ވިދާޅުވެފައި ވެއެވެ.
މިއަދުގެ ހުކުރު ޚުޡުބާގައި ވިދާޅުވެފައިވަނީ ދުނިޔެއަކީ ޖަޒާ ދެއްވުމުގެ ގޮވައްޗެއް ނޫންކަމުގައެވެ. އަދި ޖަޒާ ދެއްވުމުގެ ގޮވައްޗަކީ އާޚިރަތް ދުވަސްކަން ބަޔާން ކުރައްވަމުން ޚުޡުބާގައި ވިދާޅުވެފައިވާ ގޮތުގައި ބައެއް ފަހަރަށް އަނިޔާވެރިންނަަށް މުހުލަތު ދެއްވަނީ އެމީހުން އެ އަނިޔާވެރިކަމުގައި އިތުރަށް ކުރިޔަށް ދިއުމަށްޓަކަައެވެ. އެއީ އެމީހަކު އުޅޭ ތަނެއްގެ، ނުވަތަ ރަށެއްގެ ނުވަތަ ގައުމެއްގެ މީހުންނަށް އެކަން ފެނި އެނގިދެނި ވުމަށްޓަކައެވެ. އެމީހަކާ ދެކޮޅަށް އާޚިރަތްދުވަހު ހިސާބު ބެލެވޭއިރު، ހެކިވެރިންގެ ގޮތުގައި ތިބުމަށްޓަކައެވެ.
މިގޮތުން ޚުޡުބާގައި ވިދާޅުވި ގޮތުގައި އަނިޔާވެރިން އަނިޔާވެރިކަމުގައި ހައްދުފަހަނަ އަޅައިދިޔަ ވަރަކަށް، އަނިޔާވެރިޔާއަށް ލިބޭ އަޒާބުގެ ވޭން ބޮޑުވާނެއެވެ.
ޚުޡުބާގައި ވިދާޅުވި ގޮތުގައި މުސްލިމުން ވާވައްދައި، އަގީދާ ބަލިކަށި ކުރުމަށްޓަކާ، ވެރިރަސްކަލާގެއާއި ދެމެދުވާ ގުޅުން ހީނަރުކުރެވޭތޯ ތާއަބަދު ދަނީ މަސައްކަތް ކުުރަމުންނެވެ. މިގޮތުން މާތް ﷲ އަނިޔާވެރިނަށް އަދަބު ނުދެއްވާ ވާހަކައާއި، އަނިޔާ ލިބޭ މީހުންނަށް އޯގާވެރިވެވޮޑި ނުގަންނަވާ ވާހަކައަކީ މިބާވަތުގެ ވާހަކަތަކުގެ ތެރެއިން އަންނަ ވާހަކަތައްކަން ބަޔާން ކުރައްވަމުން ޚުޡުބާގައި ވިދާޅުވެފައިވަނީ މި ނުބައި ފާސިދު ވާހަކަތަކުން ސަލާމަތް ވެވޭނީ ﷲ އަންގަވާފައިވާ ގޮތަށް އަގީދާ ރައްކާތެރި ކޮށްގެން ކަމުގައެވެ.
ދަރީންނަށް ތައުލީމާއި ތަރުބިއްޔަތު ރަގަޅަށް ދެވިގެންނެވެ. ޚަބަރާއި މައުލޫމާތު ފަތުރާ ވަސީލަތްތަކުން މިކަންކަމަށް ސަމާލުކަން ދީ އިސްލާމީ އުސޫލުތަކާއި އެއްގޮތަށް މަސައްކަތް ކޮށްގެންނެވެ.
