އިޓަލީގެ މަޝްހޫރު އަލިފާން ފަރުބަދަ ވެސުވިއަސް މީގެ 2000 އަހަރު ކުރިން ގޮވުމުގެ ހާދިސާގައި އެއްކޮށް ފަނާވެދިޔަ އިޓަލީގެ ޕޮމްޕެއި ސިޓީގައި ވަޅުލެވިފައި އޮތް ދެމީހަކު އާކިއޮލޮޖިސްޓުންނަށް ފެނިއްޖެއެވެ.
ޕޮމްޕެއި އާކިއޮލޮޖިކަލް ޕާރކުގެ އޮފިޝަލުން ބުނާ ގޮތުގައި، މީގެތެރެއިން އެކަކީ ކަމުވޮށިގެންވާ މީހެއްކަމަށާއި އަދި އަނެއް މީހާއަކީ އަޅު މަސައްކަތް ކުރަމުންދިޔަ މީހެއް ކަމަށަށެވެ.
"ބެލެވޭ ގޮތުގައި މި ދެމީހުންވެސް މަރުވެފައިވަނީ އަލިފާން ފަރުބަދަ ގޮވުމުގެ ހާދިސާއިން ސަލާމަތް ވުމަށް މަސައްކަތް ކުރަމުން ދަނިކޮށް، ފަރުބަދައިން ފޭބި އަލިފާނުގެ ދަށުވެގެން"، އާކިއޮލޮޖިކަލް ޕާރކުގެ ޑިރެކްޓަރ މަސިމޯ އޮސާނާ ވިދާޅުވިއެވެ.
އިޓަލީގެ ސިޓީއެއް ކަމުގައިވާ ޕޮމްޕެއި ވަނީ 79އޭޑީ (މީލާދީން މީގެ 2000 އަހަރު ކުރިން)ގައި، އިޓަލީގެ އަލިފާން ފަރުބަދައެއް ކަމުގައިވާ މައުންޓް ވެސުވިއަސް ގޮވުމުގެ ހާދިސާގައި އެފަރުބަދައިން ފޭބީގެ ލާވާ (އަލިފާން އަޅި)ގެ ދަށުވެ ފަނާވެގެން ގޮސްފައެވެ. މިހާދިސާގައި މުޅި ޕެމްޕެއިވަނީ ފަރުބަދައިން ފޭބި އަލިފާން އަޅީގެ ދަށުވެ، އޭގެފަހުން އެތައް ޒަމާނެއް ވަންދެން ގަދަ ފިނީގައި އެއްކޮށް ގަޑުވެފައެވެ. މި ސިޓީ ފަހުން ވެގެން ގޮސްފައިވަނީ އާކިއޮލޮޖިސްޓުންގެ ޝައުގުވެރިކަން ހުއްޓިފައިވާ ތާރީޚީގޮތުން މުއްސަދި ސަރަހައްދަކަށެވެ.
މިފަހަރުގެ މި ހޯދުމަކީ މި ނޮވެމްބަރު މަހުގައި މި ތާރީޚީ ސިޓީގެ ރަށްބޭރުގެ ބޮޑު ސަރަހައްދެއް އާކިއޮލޮޖިސްޓުން ކޮންނަމުން ދަނިކޮށް ހޯދިފައިވާ ހޯދުމެކެވެ.
އޮފިޝަލުން ވިދާޅުވާ ގޮތުގައި، މިސަރަހައްދުގައި ވަޅުލެވިފައިވާތާ 2000 އަހަރު ވެފައިވަނިކޮށް ފެނިފައިވާ މި ދެމީހުންގެ ތެރެއިން، ފޯރުންތެރިކޮށް ދިރިއުޅެފައިވާ ކަމަށް ބެލެވޭ މީހާއަކީ 30 އަހަރާއި 40 އަހަރާއި ދެމެދުގެ ޒުވާނެކެވެ. މި ޒުވާނާގެ ބޮލާވީކޮޅުން ކަރު ދަށުން އާކިއޮލޮޖިސްޓުންނަށް ވަނީ ސުތުލިން ހަދާފައިވާ، ކަމުވޮށިގެންވާ މީހުން ބޭނުންކުރާ ވައްތަރުގެ ހެދުމެއްގެ ބައިތައް ފެނިފައެވެ.
މިމީހާއާއި ކައިރިން، ޖެހިގެން ކަހަލަ ގޮތަކަށް ވަޅުލެވިފައި އޮތް އަނެއް މީހާއަކީ 18 އަހަރާއި 23 އަހަރާ ދެމެދުގެ ކުއްޖެއްކަމަށް އޮފިޝަކުން ވިދާޅުވެއެވެ. މި އާކިއޮލޮޖިކަލް ސައިޓުގައި ހަރަކާތްތެރިވި އޮފިޝަލުން ވިދާޅުވާ ގޮތުގައި މި ކުއްދާޖެ މައިބަދަ އޮތީ ފުޑުފުޑު ވެފައެވެ. މީގެން ދޭހަކޮށްދެނީ، މި ކުއްޖާއަކީ އަޅުމަސައްކަތް ކޮށްގެން ދިރި އުޅުނު ކުއްޖެއްކަން ކަމުގައިވެސް އޮފިޝަލުން ބުނެއެވެ.
"މި ދެމީހުންވެސް މަރުވެފައި ވަނީ، ގަދަ އަލިފާނުން ލިބުނު ޝޮކުގެ ސަބަބުން. މަރުވިއިރު ދެމީހުން އަތްތިލަ މުއްކަވާފައި އޮތްގޮތުން މިކަން ވަރަށް ރަގަޅަށް ދޭހަ ކޮށްދޭ" ރިޕޯޓަރުންނަށް މައުލޫމާތު ދެމުން އާކިއޮލޮޖިކަލް ޕާރކުގެ ޑިރެކްޓަރ މަސިމޯ އޮސާނާ ވިދާޅުވެފައި ވެއެވެ.
އޭނާ އިތުރަށް ވިދާޅުވިގޮތުގައި، މި ހޯދުމަކީ، މިއަލިފާ ފަރުބަދަ ގޮވިދުވަހުގެ ހެދުނުގެ ވަގުތުގައި ކަން ހިގާފާއިވާ ގޮތް ރަމްޒުކޮށްދޭ ވަރަށް މުހިންމު ހެކިތަކެކެވެ.
އިޓަލީގެ ސިޓީއެއް ކަމުގައިވާ ނެޕްލްސްގެ ކައިރިން އޮންނަ މިސަހައްދު އާކިއޮލޮޖިސްޓުން އަދިވެސް ދަނީ ކޮންނަމުންވެ. އެހެންނަމަވެސް ކޯވިޑް19ގެ ހާލަތާ ގުޅިގެން މިސަރައްހަދު މިވަގުތު އޮތީ ފަތުރުވެރިނަށް ބަންދުކުރެވިފައެވެ.
