ގަތަރުގައި މިހާރު ކުރިޔަށްދާ ވާރލްޑް ކަޕް ފުޓުބޯޅަ މުބާރާތުގައި، މިރޭ ސްވިޒަލޭންޑާއި ބައްދަލުކުރި މެޗް 1-0 އިން ކާމިޔާބުކޮށް، ދުނިޔޭގެ ފުޓުބޯޅައި ރޭންކުން 1 ވަނާގައި އޮތް ބްރެޒިލް މުބާރާތުގެ ގަދަ 16 އަށް ދަތުރު ކޮށްފިއެވެ.
މިރޭގެ މެޗްގައި ބްރެޒިލްއަށް ގޯލް ކާމިޔާބު ކޮށްދީފައިވަނީ މެޗްގެ 83 ވަނަ މިނިޓްގައި ކަސްމިރޯއެވެ. މިރޭގެ މެޗް ކުރިޔަށް ދިޔައިރު، ޓީމުގެ އެންމެ މުހިންމު ކުޅުންތެރިޔާ ނޭމާ މެޗް ބަލާފައިވަނީ ހޮޓަލުގައި ހުރެގެންނެވެ. މުބާރާތުގެ ފުރަތަމަ މެޗްގައި އޭނާގެ ކުޑަހުޅަށް ލިބުނު ގެއްލުމަކަށް ނޭމާ ގެންދަނީ ފަރުވާ ހޯދަމުންނެވެ. ނޭމާއަށް އެބުރި ކުޅުމަށް އާދެވޭނެ ދުވަހެއް ޑޮކްޓަރުން ބުނެފައެއް ނުވެއެވެ.
މިރޭގެ މެޗްގެ ކާމިޔާބީއާއެކު ބްރެޒިލްއަށް ދެ މެޗުންވަނީ 6 ޕޮއިންޓް ލިބިފައެވެ. ސުވިޒަލޭންޑަށް ލިބިފައިވަނީ 3 ޕޮއިންޓެވެ. އަދި މިއަދު ކުޅެވުނު ސާބިޔާ އަދި ކެމަރޫން މެޗް އެއްވަރު ވުމުން ކޮންމެ ޓީމަކަށްވެސް ލިބިފައިވަނީ 1 ޕޮއިންޓެވެ.
މުބާރާތުގެ ދެވަނަ ބުރަށް ދިއުމުގެ ޔަގީންކަން ހޯދުމަ މިރޭގެ މެޗް ކާމިޔާބު ކުރުން ސުވިޒަލޭންޑަށް މަޖުބޫރުވި ނަމަވެސް، މެޗް އެއްވަރު ވުމާއި ގުޅިގެން މިހާރު އެޓީމަށް ބަލަން ޖެހިފައިވަނީ ކުރިޔަށް އޮތް ބްރެޒިލް ކެމަރޫން މެޗްގެ ނަތީޖާއަށް މަޑު ކުރުމަށެވެ.
