ގަތަރުގައި މިހާރު ކުރިޔަށްދާ ވާރލްޑް ކަޕް ފުޓުބޯޅަ މުބާރާތުގައި، ކެމަރޫންއާއި ސާބިއާ ބައްދަލުކުރި މެޗް 3-3 އިން އެއްވަރު ވެއްޖެއެވެ.
މިމެޗްގައި ކެމަރޫން ބަލިވެގެން ދިޔަ ނުދީ ހިފަހައްޓާފައިވަނީ މެޗްގައި ކުޅެން ނުކުތް، ކެމަރޫން ޓީމްގެ ބަދަލު ކުޅުންތެރިޔާ ވިންސެންޓް އަބޫބަކު ކާމިޔާބުކޮށްދިން ގޯލާއެކުއެވެ.
ކެމަރޫން ޓީމުގެ ތަޖުރިބާކާރު ސްޓްރައިކަރު ކުޅެން ނުކުމެފައިވަނީ ކެމަރޫން ޓީމު 3-1އިން ބަލިވެ، 2022ވަނަ އަހަރުގެ ވާރލްޑް ކަޕުން ފެށިގެން 9 ބައްޔާއި ދިމާލަށް ކެމަރޫންގެ ޓީމު ދަތުރު ކުރަމުން ދަނިކޮށެވެ.
އެހެންނަމަވެސް މެޗްގެ 64 ވަނަ މިނިޓްގައި ކެމަރޫން ޓީމުގެ ސްޓްރައިކަރ ވަނީ ސާބިއާގެ ގޯލް ކީޕަރުގެ ބޯމަތިން ބޯޅަ ފޮނުވާލާ މެޗްގެ ސްކޯރ 3-2 އަށް ބަދަލު ކޮށްފައެވެ. އޭގެ 2 މިނިޓްފަހުން މެޗްގެ ސްކޯރ އެއްވަރު ކޮށްދިނީ ކެމަރޫން ޓީމުގެ އެރިކް މެކްސިން ޗޫޕޯ އެޓީމަށް ކާމިޔާބު ކޮށްދިން ގޯލާއެކުއެވެ.
މުބާރާތުގައި، ބްރެޒިލްއާއި ދެކޮޅަށް ކުޅުނު މެޗްގައި 2-0 އިން ބަލިވެފައިވާ ސާބިއާއިން ވަނީ މެޗްގެ 29 ވަނަ މިނިޓްގައި ކެމަރޫންއާއި ދެކޮޅަށް ލަނޑުޖަހާ މެޗްގެ ލީޑްވެސް ނަގާފައެވެ. ސާބިއާގެ ޓީމުގެ ލީޑް ފުޅާ ކޮށްދީފައިވަނީ އެލެކްސެންޑަރ މިޓްރޮވިކް، މެޗްގެ 53ވަނަ މިނިޓްގައި، ސާބިއާގެ ޓީމަށް ކާމިޔާބުކޮށްދިން، އޭނާގެ 51 ވަނަ ބައިނަލްއަގުވާމީ ގޯލާއެކުއެވެ.
ކެމަރޫން މުބާރާތުގައި، ސުވިޒްލޭންޑާއި ދެކޮޅަށް ކުޅުނު ފުރަތަމަ މެޗުންވަނީ 1-0ގެ ނަތީޖާއަކުން ބަލިވެފައެވެ.
