ރާއްޖެއާއި ޔޫރަޕިއަން ޔޫނިއަން (އީޔޫ) އާ ދެމެދު އޮތް އެކުވެރިކަމުގެ ގުޅުން އިތުރަށް ބަދަހިކޮށް، އަދި ބިނާކުރަނިވި ގޮތުހައި ގުޅުންތައް ދެމެހެއްޓުމަށްޓުމަށް އަމާޒުކޮށްގެން ބައްވާ "އީޔޫ މޯލްޑިވްސް ޕޮލިސީ ޑައިލޮގް" މިއަދު ފަށައިފިއެވެ.
މިއަހަރުގެ ޑައިލޮގް ފައްޓަވާދެއްވެމުގެ ގޮތުން ރިޔާސަތު ބަލަހައްޓަވާ ދެއްވާފައިވަނީ، ފޮރިން މިނިސްޓަރ އަބްދު ޝާހިދާއި، ޔޫރަޕިއަން ޔޫނިއަންގެ ސަފީރު ޑެނިސް ޗައިބީއެވެ. މި މަޝްވަރާތައް ފެއްޓެވުމަށް ފަހު ފޮރިން މިނިސްޓަރ އަބްދުﷲ ޝާހިދު ކުރެއްވި ޓުވީޓުގައި ވިދާޅުވެފައިވަނީ، މި ޑއަިލޮގްގެ ކޯ ޗެއާރކަން ލިބުމަކީ ލިބިވަޑައިގެންނެވި ބޮޑު ހިތްހަމަޖެހުމެއް ކަމަށެވެ. ޝާހިދު ވިދާޅުވެފައިވަނީ، މި ޑައިލޮގްގައި މަޝްވަރާކުރެއްވުމަށް ހަމަޖެހިފައިވާ ދާއިރާތަކުން އުފެއްދުންތެރި މަޝްވަރާތަކަށް ކުރެވިގެން ދާނެކަމަށް އުއްމީދު ކުރައްވާކަމުގައެވެ.
މިއަހަރުގެ އީޔޫ މޯލްޑިވްސް ޕޮލިސީ ޑައިލޮގްގައި މަސްވަރާކުރުމަށް ހަމަޖެހިފައިވާ ދާއިރާތަކުގެ ތެރޭގައި، ޑިމޮކްރަސީއާއި ހިންގުމާއި އަދުލު އިންސާފުގެ ދާއިރާ ހަރުދަނާކުރުމާއި، ސަލާމަތީ ދާއިރާއިން އެއްބާރުލުން ދިނުމާއި، ވިޔަފާރީގެ ދާއިރާއާއި، ފަތުރުވެރިކަމާއި، އިންވެސްޓްމަންޓާއި ފައިނޭންސް އެންޑް އިކޮނޮމިކް ކޯޕަރޭޝަން އާއި ތިމާވެއްޓާއި މޫސުމަށް އަންނަ ބަދަލުތަކާއި ޝެންގެން ވިސާ ފެސިލިޓޭޝަންއާ ގުޅޭ ގޮތުން މަޝްވަރާ ކުރުން ހިމެނެއެވެ.
Foreign Minister @abdulla_shahid and Ambassador of @EU_Maldives, Denis Chaibi co-chair the 6th #MVEUPolicyDialogue. Discussion topics include; democracy, governance, justice, security, trade, tourism, investment, finance, economic cooperation, environment and Schengen Visa. pic.twitter.com/5ZwfudC6Qh
— Ministry of Foreign Affairs 🇲🇻 (@MoFAmv) November 23, 2022
ފޮރިން މިނިސްޓްރީން ހާމަ ކޮށްފައިވާ ގޮތުގައި މި މަޝްވަރާތަކުގައި، ޔޫރަޕަށް ރާއްޖޭގެ އުފެއްފުންތައް ޑިއުޓީ ފްރީކޮށް އެތެރެ ކުރުމާއި ގުޅޭގޮތުންވަނީ މަޝްވަރާ ކުރެވިފައެވެ. އޭގެ އިތުރުން، ކައުންޓަރ ޓެރަރިޒަމްއާއި، ހައްދުފަހަނަ އަޅާ ދިއުމާއި، މެރިޓައިމް ސޭފްޓީ އަދި ސެކިއުރިޓީއާއި، ސިވިލް ޑިފެންސް، އޭވިއޭޝަން ސެކިއުރިޓީ، ފަތުރުވެރިންގެ ރައްކާތެރިކާމާއި، އިންޓެލިޖެންސް އޭޖެންސީތަކުގެ ކެޕޭސިޓީ އިތުރު ކުރުމާއި ގުޅޭގޮތުންވެސް ވަނީ މަޝްވަރާތައް ކުރިޔަށް ގެންދެވިފައެވެ.
މި މަޝްވަރާތަކުގައި އީޔޫގެ ވަފުދުގައި އިސްކޮށް ހުންނަވާނީ ޔޫރަޕިއަން ޔޫނިއަންއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ޑެނިސް ޗައިބީ އެވެ. ރާއްޖޭގެ ވަފުދުގައި އިސްކޮށް ބައިވެރިވެވަޑައިގަންނަވާނީ ފޮރިން މިނިސްޓަރު އަބްދުالله ޝާހިދެވެ. މި ޑައިލޮގްގައި ޔޫރަޕިއަން ޔޫނިއަންގެ ސަފީރުންނާއި ދިވެހި ސަރުކާރުގެ އިސްވެރިން ވެސް ބައިވެރިވެވަޑައިގަންނަވައެވެ.
