ގައިގޯޅި މަންޒަރުތަށް ކުޅުމުގައި އެންމެ ބޮޑު ސަޕޯޓެއް ލިބެނީ ކުރީގެ ފިރިމީހާ ސާހިލް ސޭގަލްގެ ފަރާތުން ކަމަށް ބޮލިވުޑްގެ ބަތަލާ ކިރްތީ ކުލާރީ ބުނެފިއެވެ.
އެމެޒޯން ވީޑިއޯއިން ގެނެސްދޭ "ފޯ މޯ ޝޮޓް" ގައި އޭނާ ކުޅެމުން އަންނަ ރޯލާއި ބެހޭގޮތުން ވާހަކަ ދައްކަމުން ކިރްތީ ބުނީ އޭނާ އަށް އެ ރޯލު ކުޅުމުގައި އެންމެ ބޮޑު އެހީތެރި ކަމެއް ލިބެމުން އަންނަނީ ކުރީގެ ފިރިމީހާ އަދި އެކްޓަރު ސާހިލްގެ ފަރާތުން ކަމަށެވެ.
View this post on Instagram
ސާހިލް އަކީ ވަރަށް ސަޕޯޓިވް މީހެއްކަން ފާހަގަކޮށް ކިރްތީ ވަނީ ސާހިލްއަށް ވަރަށް ތައުރީފް ކޮށްފައެވެ. "ފޯ މޯ ޝޮޓް" ގައި ކްރިތީ އާއި އެކުގައި ފެނިގެންދަނީ މާންވީ ގާގްރޫ، ސަޔާނީ ގުޕްތާ، ވީޖޭ ބާނީ، ލީސާ ރޭ އަދި މިލިންޑް ސޮމަންއެވެ.
4 ރައްޓެހިންގެ ވާހަކަ ކިޔައިދޭ މި ޑްރާމާ ގެ 3 ވަނަ ސީޒަން މިހާރު ގރެނެސްދީފައި ވާއިރު، މި ޑްރާމާގެ ތަރިންނަށް އަންނަނީ ވަރަށް ބޮޑަށް ތައުރީފް ލިބެމުންނެވެ. ނުޕުރް އަޝްތަނާ ޑައިރެކްޓް ކޮށްފައިވާ މި ވެން ސީރީޒް އަކީ ބެލުންތެރިންގެ މެދުގައި މަގުބޫލު ޑްރާމާއެކެވެ.
ކްރިތީ ފެނިގެން ދަނީ ސަޕޯޓިން ރޯލުތަކުންނެވެ. 37 ބަތަލާ އާއި ސާހިލް ކައިވެނި ކުރީ 2016 ވަނަ އަހަރުއެވެ. އަދި އެކައިވެނި 2021 ވަނަ އަހަރު ވަނީ ނިމުމަކަށް އައިސްފައިއެވެ. ނަމަވެސް މިހާތަނަށް ސަބަބު ހާމަކޮށްފައެއް ނުވެއެވެ.
