އަބަދުވެސް ތަފާތު ރޯލުތަކުން ފެންނަ ބޮލީވުޑްގެ މަޝްހޫރު އެކްތަރު އަޔުޝްމާން ކުރާނާގެ ކުރިއަށް އޮތް ފިލްމް "އެން އެކްޝާން ހީރޯ" ގެ ޓްރއިލާއެއް ބެލުންތރިންނަށް ދައްކައިލަފިއެވެ.
މި ފިލްމަކީ ބޫޝަން ކުމާރުގެ ޓީ ސީރީޒާއި ޑައިރެކްޓަރު އާނަންދު އެލް ރާއީ ގުޅިގެން އުފައްދާ ފިލްމެކެވެ. އިންޑިއާއާއި އިނގިރޭސިވިލާތުގައި ޝޫޓްކޮށްފައިވާ "އޭން އެކްޝަން ހީރޯ" ގެ ޑައިރެކްޓަރަކީ އަނިރޫދް އައްޔަރެވެ.
މީގެ ކުރިން އޭނަ ފެނިފައި ނުވާ ފަދަ އެކްޝަން ރޯލަކުން ފެންނާނެ މި ފިލްމަކީ އަންނަ ޑިސެމްބަރު މަހުގެ 2 ވަނަ ދުވަހު ސިނަމާތަކަށް ގެންނަން ނިންމާފައިވާ ފިލްމްއެކެވެ.
މި ފިލްމްގެ ކާސްޓްގައި އަޔުޝްމާންގެ އިތުރުން ޖައިދީޕް އަހުލުވާތު އާއި ޖިތެންދުރަ ރާއީގެ އިތުރުން އިންޑިއާ އިން ބޭރުގެ ގިނަ ފަންނާނުންތަކެއް ވެސް ހިމެނެ އެވެ. މީގެ އިތުރުން މި ފިލްމް ގައި އެކްޓަރު އަރުޖުން ކަޕޫރްގެ ލޯބިވެރިޔާ އަކީ ކުރިން ވެސް މަގުބޫލު އައިޓަމް ލަވަތަކެއް ކުޅެފައިވާ ބަތަލާ މަލައިކާ އަރޯރާގެ އައިޓަމް ސޯންގެ އެއްވެސް ހިމެނެއެވެ.
ނެޝަނަލް އެވޯޑް ވެސް ހޯދާފައިވާ އަޔޫޝްމަން އެންމެ ފަހުން ފެނިގެން ގޮސްފައިވަނީ އަންހެނުންނާއި ބެހޭ ޚާއްސަ ބަލިތަކާ ބެހޭ ޑޮކްޓަރެއްގެ ގޮތުގައި ފެނިގެންދިއަ ފިލްމް "ޑޮކްޓާ ޖީ" އިންނެވެ.
ކޮމެންޓު ފޮނުވާ