އަންނަ އަހަރަށް ލަފާކޮށް ދައުލަތުން ހުށަހެޅި ބަޖެޓް ބަހުސްގައި ބަޖެޓަށް އެންމެ ބޮޑަށް ފާޑުކީ މެމްބަރުނަކީ ވެރިކަން ކުރާ މައި ޕާޓީ އެމްޑީޕީގެ މެމްބަރުންކަމުގައި ވެއްޖެއެވެ.

އަންނަ އަހަރަށް ލަފާކޮށް ދައުލަތުން ރައްޔިތުންގެ މަޖިލީހަށް ހުށައަޅާފައިވަނީ 42.6 ބިލިޔަން ރުފިޔާގެ ބަޖެޓެކެވެ. ބަޖެޓުގެ ބަހުސް މިދިޔަ ބުރާސްފަތި ދުވަހު ނިންމާލިއިރު، އެމްޑީޕީގެ ރައީސް ނަޝީދަށް ތާއީދު ކުރާ މެމްބަރުން ވަނީ ބަޖެޓަށް ވަރަށް ބޮޑަށް ފާޑުވިދާޅުވެ، ސަރުކާރު ޕްރެޝަރަށް ވައްޓާލާފައެވެ. ބަޖެޓަށް ފާޑުވިދާޅުވި މެމްބަރުންގެ ތެރޭގައި އެމްޑީޕީގެ ކުރީގެ ޕީޖީ ލީޑަރު އަލީ އާޒިމްއާއި، އިމްތިޔާޒު ފަހުމީއާއި، މުހައްމަދު ވަހީދު (ވައްޑެ) އާއި، އިލްޔާސް ލަބީބާއި، ހަސަން ޝިޔާން (ގިޓާ) ފަދަ މެމްބަރުން ހިމެނެއެވެ.

ބަހުސްގައި ވާހަކަ ދައްކަވަމުން ސަރުކާރަށް އެންމެ ބޮޑަށް ފާޑު ކިޔާފައިވަނީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއެވެ. އޭނާ ވިދާޅުވީ ފޮނި އުންމީދުތަކަކާއެކު ފާސްކުރި ނަމަވެސް އަހަރު ނިމޭއިރު ބަޖެޓު ވެގެން ދަނީ ހަގީގަތާ ދުރު އެއްޗަކަށް ކަމަށެވެ. އިމްތިޔާޒް ވިދާޅުވީ އަހަރުން އަހަރަށް ބަޖެޓު ބޮޑުވިނަމަވެސް ރައްޔިތުން ވަނީ އިތުރަށް ނިކަމެތި ކަމަށާއި ބަޖެޓު ހޭދަކުރަނީ ގާތް މީހުންނަށް ކަންކަން ކޮށްދިނުމަށް ކަމަށެވެ.

އޭނާ ވިދާޅުވީ ވައްކަމާއި ދެކޮޅަށް "ޒީރޯ ޓޮލަރެންސް" ކިޔާފައި ވެރިކަމަށް އައި މީހުންނަށް ހަޔަރު އަހަރުވީއިރު، ނަތީޖާ އަކީ "ޒީރޯ" ކަމަށެވެ. އަދި މަރުތަކާއި އެނޫންވެސް މައްސަލަތައް ބެލުމަށް ވައުދުވެ ވެރިކަމަށް އައި ސަރުކާރުން ރައްޔިތުންނަށް ދިނީ ހެކިކަމަށް އިންތި ވިދާޅުވިއެވެ.

ބަހުސްގައި ބަޖެޓަށް ފާޑުވިދާޅުވެ ވާހަކަ ތައްވަމުން ތޮއްޑޫ ދާއިރާގެ މެމްބަރު ހަސަން ޝިޔާން (ގިޓާ) ވިދާޅުވީ ވައްކަމޭ ކިޔައިގެން އައި ސަރުކާރުން ރައީސް ޔާމީންގެ ސަރުކާރަށްވުރެ ކަންކަން ގޯސްކަމަށެވެ. މިސަރުކާރުގެ ވައްކަމުގެ ކަންކަން ރައީސް ޔާމީންގެ ސަރުކާރަށްވުރެ މާބޮޑަށް ގޯސް ވެފައިވާކަމަށް އޭނާ ވިދާޅުވިއެވެ.

މިވަރު ވީމަ ކޮން އިތުބާރެއްތޯ ! އަމިއްލަ ޕާޓީގެ މެންބަރުންގެ ދުލުން. https://t.co/H0BkJyfcMc pic.twitter.com/M20OsoUUwX

— Ibrahim Naseer (@IbrahimNaseer_) November 11, 2022

ހުޅުދޫ ދާއިރާގެ މެމްބަރު އިލްޔާސް ލަބީބު ވިދާޅުވީ ބަޖެޓަކީ ކޮންމެ ގައުމެއްގައި ވެސް ރައްޔިތުން ވަރަށް ބޮޑަށް އުއްމީދުކުރާ އެއްޗެއް ކަމަށާއި އެެއީ އެމީހުން ދިރިއުޅުމަށް އެ ބަޖެޓްގެ ސަބަބުން އަންނާނީ ކޮން ހެޔޮ ބަދަލެއްތޯ ބަލަން ބޭނުންވާތީ ކަމަށެވެ. އޭނާ ވިދާޅުވީ އެހެން ނަމަވެސް އެފަދަ ބަދަލެއް މި ބަޖެޓުން އަންނާނެ ކަމަށް އޭނާ ވާހަކަ ދެއްކެވި ރައްޔިތުން އުއްމީދުނުކުރާ ކަަމަށެވެ.

ބޭރުން ހިލޭ އެހީގެ ގޮތުގައި ހޯދާނެ ކަމަށް ބަޖެޓްގައި ބޮޑު އަދަދެއް ޖަހާފައި ވިޔަސް، އެ އަދަދަށް ފައިސާ ހޯދޭނެ ކަމަށް ގަބޫލުނުކުރައްވާ ކަމަށް ވެސް އޭނާ ވިދާޅުވިއެވެ. އެއީ މިދިޔަ ފަސް އަހަރު ދުވަހު ވެސް ބޭރުން ހޯދަން ބަޖެޓްގައި ޖެހި ފައިސާގެ ތެރެއިން ހޯދިފައި ވަނީ އެންމެ 50 ޕަސެންޓް ކަމަށް ވާތީ ކަމަށް ވެސް އޭނާ ވިދާޅުވިއެވެ.

Budget Debate ge therein:

Zero tolerance… pic.twitter.com/ELFvlm7Aj2

— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) November 11, 2022

މި ހިނގާ އަހަރުގެ ބަޖެޓް، މިދިޔަ އަހަރު އަޅުގަނޑުމެން ފާސްކުރި އިރު ހިލޭ އެހީގެ ގޮތުގައި 3.2 ބިލިޔަން ރުފިޔާ ލިބޭނެ ކަމަށް އަޅުގަނޑުމެން ބަޖެޓްކޮށްފައި ވޭ، އެހެން ނަމަވެސް މި ބަޖެޓް މިއަހަރު މިހާ ހިސާބަށް އައިސްގެން އަޅުގަނޑު ބަލައިލިއިރު 600 މިލިޔަން ރުފިޔާ ލިބުނީ. ދެން ކިހިނެތްތޯ މިއަހަރު އަނެއްކާ 2.5 ބިލިޔަން ރުފިޔާ ލިބޭނެ ކަމަށް އަޅުގަނޑުމެން އަންދާޒާކޮށްފައި އެ އަދަދު ލިބޭނެކަމަށް އަޅުގަނޑުމެން ގަބޫލުކުރަނީ. އިލްޔާސް ވިދާޅުވިއެވެ.

މިމެމްބަރުން ޖުމްލަކޮށް ފާހަގަ ކުރެއްވި އެންމެ މުހިންމު އެއްކަމަކީ މިބަޖެޓަކީ ރައްޔިތުންނަށް އެއްވެސް ފައިދާއެއް ނެތް އުންމީދެއް ނެތް ބަޖެޓެއްގެ ގޮތުގައެވެ. އަދި މިއީ ރައީސް ޞާލިހު ދެވަނަ ދައުރަކަށް ހޮވުމަށް ޖާގަދޭންވީ ވަގުތު ނޫންކަމަށާއި، ދެވަނަ ދައުރެއް ދޭންޖެހޭ އެއްވެސް ސަބަބެއް ނެތްކަމަށް މެމްބަރުން ވަނީ ވިދާޅުވެފައެވެ.