ބޮލީވުޑްގެ ޒުވާން ބަތަލާ އަދި އެކްތަރު ޗަންކޭ ޕާންޑޭގެ ދޮށީ ދަރިފުޅު އަނަންނިޔާ ޕާންޑޭ އިއްޔެ ވަނީ އޭނާގެ 24 ވަނަ އުފަންދުވަސް ފާހަގަ ކޮށްފައިއެވެ. އަދި ސޯޝަލް މީޑިއާގައި އޭނާ އަންނަނީ ބޮލީވުޑްގެ ސެލެބްރިޓީން ދުވަހުގެ ތަހުނިޔާ ކިޔަމުންނެވެ.
އުފަންދުވަސް ފާހަގަ ކުރުމުގެ ގޮތުން އޭނާ ވަނީ ޕާޓީ އެއްވެސް ބާއްވާފައިއެވެ. މި ޕާޓީގައި އޭނާގެ ގާތް ރަހުމަތްތެރިން ކަމުގައިވާ ސުހާނާ ހާން އާއި ޖާންވީ އާއި ޝަނާޔާ ފަދަ ސްޓާ ކިޑުން ބައިވެރިވިއެވެ.
އުފަންދުވަސް ފާހަގަ ކުރި ނަމަވެސް އަނަންނިޔާގެ އުފަންދުވަހަކީ ވެސް އޭނާގެ މަސައްކަތު ދުވަހެކެވެ. އުފަންދުވަހޭ ކިޔައިފައި އޭނާ މަސައްކަތުން ޗުއްޓީއެއް ނުނަގައެވެ.
View this post on Instagram
މިކަމާ ގުޅޭގޮތުން ވާހަކަ ދައްކަމުން އަނަންނިޔާ ބުނީ އޭނާގެ ބައްޕަ ޗަންކޭ ދިން ނަސެހަތާއި އެއްގޮތަށް އޭނާ މަސައްކަތް ކުރަމުން އަންނަ ކަށެވެ. އެގޮތުން އޭނާގެ އުފަންދުވަހުގައި ކޮންމެވެސް މަސައްކަތެއް ކުރުމަށް ބައްޕަ އިރުޝާދު ދީފައިވާކަމަށް ބުނެފައިއެވެ.
"ބައްޕަ ބުނީ އުފަންދުވަހު ކޮންމެވެސް މަސައްކަތެއް ކުރުމަށް. ޗުއްޓީ ހެދުމުގެ ބަދަލުގައި މަސައްކަތެއް ކުރުމުން މުސްތަގުބަލުގައި އަހަރެންގެ ވަރަށް ރަނގަޅު މަސައްކަތް ތަކެއް އުފަންދުވަހުގައި ފެންނާނެ ކަމަށް"
އެގޮތުން މިދިއަ އަހަރުގައި އޭނާގެ އުފަންދުވަސް އައިއިރުގައި އޭނާ އުޅުނީ ފިލްމް "ހެރާއިޔާ" ޑަބް ކުރުމުގެ މަސައްކަތުގައި ކަމަށާއި މި ފަހަރު އުފަންދުވަހުގައި އޭނާ އުޅުނީ ކުރިއަށް އޮތް ފިލްމްގެ ވޯކްޝޮޕްއެއްގައި ކަމަށް ބުނެފައިވެއެވެ.
View this post on Instagram
އަންނިޔާ އެންމެ ފަހުން ފެނިގެން ދިއައީ ފިލްމް "ލައިގާ" އިންނެވެ. ބޮކްސްއޮފީހުގައި ފިލްމް އަށް މާބޮޑު ކާމިޔާބެއް ލިބިފައިއެއް ނުވެއެވެ. އޭނާ އާއި އެކުގައި މި ފިލްމް އިން ފެނިގެން ދިއައީ ސައުތުގެ މަޝްހޫރު އެކްޓަރު ވިޖޭ ދެވަރަކޮންޑާއެވެ. މި ފިލްމް އަކީ ވިޖޭ ބޮލީވުޑްއަށް ތައާރަފްވި ފިލްމް ވެސް މެއެވެ.
