މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށުގައި ތިބި ގައިދީންގެ ތެރެއިން ސްޕެޝަލިސްޓް ޑޮކްޓަރުންނަށް ދައްކަންޖެހިފައި ތިބި ގައިދީންނާ އެކު ކަރެކްޝަންސްގެ ސީނިއާ އޮފިސަރުން ހަރަކާތްތެރިވާ ހާއްސަ އޮޕަރޭޝަނެއް ފަށައިފިއެވެ.
އޮޕަރޭޝަން ހޭހަންގެ ނަމުގައި ފަށާފައިވާ މި އޮޕަރޭޝަނަކީ ޖަލުގައި ތިބި ޤާއިދީންނާއި ބަންދުމީހުންގެ ތެރެއިން ސްޕެޝަލިސްޓުންނަށް ދައްކަންޖެހޭ ގިނަ އަދަދެއްގެ މީހުން ތިބުމާއި އެކު، އެމީހުން ސްޕެޝަލިސްޓުންނަށް ދެއްކުމަށާއި، ޖަލުގައި ދެވެން ނެއް ފަރުވާ ދިނުމަށް ހޮސްޕިޓަލަށް ނުވަތަ އެނޫންވޭސް ސިއްޙީ ޚިދުމަތްދޭ މަރުކަޒަކަށް ގެންގޮސްގެން ދިނުމަށް ހިނގޭ ޚާއްސަ އޮޕަރޭޝަންއެކެވެ.
މި އޮޕަރޭޝަންގައި ހިމެނޭ އޮފިސަރުންގެ މައިގަނޑު މަސްއޫލިއްޔަތަކީ ޚާއްސަ ޑޮކްޓަރުންނަށް ދައްކަންޖެހޭ ޤާއިދީންނާއި ބަންދުމީހުން ހަދަންޖެހޭ ތަފާތު އެކި ޓެސްޓުތަކާއި ސިއްޙީ ޚިދުމަތްދޭ ތަންތަނުން ފޯރުކޮށްދޭ ޚިދުމަތްތަކާ ހަމައަށް ޖަލުން އެސްކޯޓްކޮށް އެ ޚިދްމަތް ލިބޭނެ މަގުފަހި ކޮށްދިނުމެވެ.
މި އޮޕަރޭޝަންގައި ގައިދީންނާއި ބަންދު މީހުން ޚާއްސަ ޑޮކްޓަރުންނަށް ދެއްކުމުގައި ކޮމިޝަނަރ އޮފް ޕްރިޒަންސް އަހުމަދު މުހައްމަދާއި، ކަރެކްޝަންގެ ސީނިއާ މެނޭޖްމަންޓް އޮފިސަރުން ދަނީ ހަރަކާތްތެރި ވަމުންނެވެ. މި އޮރޭޝަންގައި 70 އަށްވުރެ ގިނަ އޮފިސަރުން ދަނީ ހަރަކާތްތެރިވަމުންނެވެ.
Today we launch #OperationHeyhan. All senior officers would actively engage in escorting inmates to hospitals for specialist-doctor appointments & medical investigations. The Operation would clear backlog of overdue referrals & strengthen systemic changes in escorting inmates. pic.twitter.com/B2bU896r5v
— Ahmed Mohamed (@ahumadhumohamed) October 29, 2022
ގައިދީންނަށް ބޭނުންވާ ސިއްހީ ހިދުމަތްތައް ރަނގަޅުކުރުމަށްޓަކައި އަަބަދުވެސް މަސައްކަތްކުރަމުންދާ ކަމަށް ކަރެކްޝަނުން ބުނެއެވެ.
ކޮމެންޓު ފޮނުވާ