ހއ.މުރައިދޫ ބަނދަރު ތަރައްޤީ ކުރުމުގެ މަސައްކަތުގެ 60 އިންސައްތަ މަސައްކަތް ނިމިގައިވާކަމަށް މިމަސައްކަތް ކުރަމުންދާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) ބުނެފިއެވެ.
އެމްޓީސީސީން ބުނެފައިވަނީ މުރައިދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ %60 ވަނީ މިހާރު ނިމިފައިވާކަމަށެވެ. އަދި ހާބަރ ޕޭވްމެންޓް މަސައްކަތް ވަނީ ނިންމާލެވިފައިކަމަށާއި، އައު ހާބަރ ޕޭވްމެންޓް މަސައްއަތުގެ %95 މަސައްކަތްވެސް ވަނީ ފުރިހަމަ ކުރެވިފައިކަމަށް އެމްޓީސީސީން ވަނީ ބުނެފައެވެ.
Ha. Muraidhoo Harbor Development Project is currently underway with 60% project completion. Harbor pavement works have been competed, and new harbor basin dredging works wave reached 95% completion.#MTCCProjects #RayyithungeKunfuni pic.twitter.com/GpXNCYhgT9
— MTCC Plc (@MTCCPlc) October 27, 2022
މި މަޝްރޫޢުގެ ދަށުން ބަނދަރު ފުންކުރުމާއި 407 މީޓަރުގެ ބޭރުތޮށި ލުމާއި 50 މީޓަރުގެ ގްރޮއިން ޖެހުން ހިމެނެއެވެ. އަދި 105 މީޓަރުގެ ރިވެޓްމަންޓްޖަހާ، 212 މީޓަރުގެ އެއްގަމު ތޮށްޓެއް ލުމާއި 9 މީޓަރު ދިގު އަދި 9 މީޓަރު ފުޅާ ރޭމްޕެއްވެސް ހެދުމަށް ހަމަޖެހިފައިވެއެވެ.
މީގެ އިތުރުން 2 މީޓަރު ދިގު 15 މީޓަރު ފުޅާ ވޯކްވޭ ބްރިޖެއް ހެދުމުގެ އިތުރުން 1،703.61 އަކަ މީޓަރުގެ ސަރަހައްދެއްގައި ޕޭވްމަންޓް ހަދާ، ބަނދަރު ބައްތި ހަރުކުރުމުގެ މަސައްކަތްވެސް މި މަޝްރޫޢުގެ ތެރެއިން ކުރާނެއެވެ.
މުރައިދޫ ބަނދަރުގެ މަސައްކަތަށް 33.72 މިލިއަން ރުފިޔާ ޚަރަދުކުރުމަށް ވަނީ ހަމަޖެހިފައެވެ. މިމަޝްރޫޢުގެ މަސައްކަތް އެމް.ޓީ.ސީ.ސީއާ ޙަވާލުކޮށްފައިވަނީ 1 އަހަރު ދުވަހުގެ ތެރޭގައި މަސައްކަތް ފުރިހަމަކުރާގޮތަށެވެ. އާބާދީގައި ގާތްގަނޑަކަށް 450 އަށްވުރެ ގިނަ މީހުން ދިރިއުޅެމުންދާ މުރައިދޫއަކީ ޒަމާނީ ބަނދަރެއް ނެތުމުގެ ސަބަބުން ލަފާފުރުމުގެ ދަތިކަން ދިމާވެފައިވާ ރަށެކެވެ.
ކޮމެންޓު ފޮނުވާ