ބޮލީވުޑްގެ ނުފޫޒު ގަދަ ޑައިރެކްޓަރު/ ޕްރޮޑިއުސަރު ކަރަން ޖޯހަރުގެ ފިލްމަކުން އަނެއްކާ ވެސް ސައުތުގެ މަގުބޫލު އެކްޓަރު ވިޖޭ ދެވަރަކޮންޑާ އަށް ފުރުސަތު ލިބިއްޖެ ކަމަށް ބޮލީވުޑްގެ ޚަބަރުތައް ގެނެސްދޭ މީޑިއާތަކުން ބުނެފިއެވެ.
ވިޖޭ ބޮލީވުޑަށް ތައާރަފް ކުރީވެސް ކަރަން އެވެ. އޭނާ ބޮލީވުޑަށް ތައާރަފްވީ ޕޫރީ ޖަގަންނާތު ޑައިރެކްޓްކޮށް ދަރްމާ ޕްރޮޑަކްޝަނުން މިއަހަރު ނެރުނު ފިލްމު "ލައިގާ" އިންނެވެ.
މި ފިލްމުގައި ވިޖޭ އާއެކުގައި ފެނިގެންދިޔައީ ޒުވާން ބަލަތާ އަނައްނިޔާ ޕާންޑޭއެވެ. އޯގަސްޓް 25 ވަނަ ދުވަހުގައި ރިލީޒް ކުރި އެ ފިލްމަކީ ބެލުންތެރިންގެ ފަރާތުން ވަރަށް ފިނި ތަރުހީބެއް ލިބުނު ފިލްމެކެވެ.
View this post on Instagram
ވިޖޭގެ އެ ފިލްމަށް ފަހު ކަރަންއާއި ދެމެދުގައި ވަރަށް ބޮޑަށް ގުޅުން ރަނގަޅު ވެފައިވާ ކަމަށާއި ދެމީހުން މިހާރު އިތުރު ޕްރޮޖެކްޓް ތަކެއްގައި މަސައްކަތް ކުރުމަށް ވާހަކަ ދައްކަމުން އަންނަ ކަމަށް ޚަބަރުތައް ބުނެއެވެ.
އަދި ރަސްމީގޮތަކަށް މިކަން އިއުލާން ނުކުރި ނަމަވެސް މި ފިލްމަކީ ލޯބީގެ ފިލްމެއް ކަމަށް ޚަބަރުތައް ބުނެއެވެ.
ކަރަންގެ ގިނަ ފިލްމުތައް ފްލޮޕް ވަމުން އަންނާތީ އޭނާ އިތުރަށް ރިސްކެއް ނަގަން ޖެހޭކަހަލަ ފިލްމެއް އުފައްދަން ބޭނުން ނުވާކަމަށް ޚަބަރުތައް ބުނެއެވެ. ކޯވިޑްގެ ފަހުން ސިނަމާތަކުގައި އަޅުވާ ގިނަ ފިލްމުތައް އަންނަނީ ފްލޮޕް ވަމުންނެވެ.
