މިހާރު ހުޅުމާލޭގެ މިސްކިތްތަކުން ބަންގީގެ އަޑާއި ނަމާދު ކުރާ އަޑު ބާރަށް ބޭރަށް އިވޭނެ ކަމަށް ހުޅުމާލޭ ދާއިރާގެ ކައުންސިލަރ އިބްރާހީމް ޝުޖާއު ވިދާޅުވެއްޖެއެވެ.
ހުޅުމާލެ ދާއިރާގެ ކައުންސިލަރ ޝުޖާއު ކުރެއްވި ޓްވީޓެއްގައި ވިދާޅުވެފައިވަނީ ހުޅުމާލޭގެ މަސްޖިދުލް ޢުމަރު ބިން ޚައްޠާބު މިސްކިތުގެ ސައުންޑު ސިސްޓަމް މިހާރު ވާނީ ރަނގަޅު ކޮށްފައި ކަމަށެވެ. ޝުޖާއު ވިދާޅުވީ މިސްކިތުގެ ބޭރާއި އެތެރޭގެ ސައުންޑަށް ދިމާވި މައްސަލަ އެއްކޮށްވާނީ ހައްލުކުރެވިފައި ކަމަށެވެ.
މީގެ އިތުރުން މިސްކިތްތަކަށް ދިމާވާ މައްސަލަ ތަކަކީ މާލޭސިޓީ ކައުންސިލާއި މާލޭގެ މޭޔަރު ޑރ. މުޙައްމަދު މުޢިއްޒު ޚާއްޞަ އިސްކަމެއް ދެއްވާ ކަންކަން ކަމަށްވެސް ޝުޖާއުގެ ޓްވީޓްގައި ވިދާޅުވެފައި ވެއެވެ.
ހުޅުމާލެ މަސްޖިދުލް ޢުމަރު ބިން ޚައްޠާބު މިސްކިތުގެ ސައުންޑު ސިސްޓަމް މިރޭ ވާނީ ރަގަޅު ކޮށްފައެވެ.މިސްކިތުގެ ބޭރާއި އެތެރޭގެ ސައުންޑަށް ދިމާވި މައްސަލަ އެއްކޮށްވާނީ ހައްލުކުރެވިފައެވެ.މިސްކިތް މައްސަލަ ތަކަކީ @MaleCitymv އާއި މޭޔަރ @MMuizzu ޚާއްޞަ އިސްކަމެއްދެއްވާ ކަންކަމެވެ.1/2 pic.twitter.com/gGptlFa58H
— Ibrahim Shujau (@IbrahimShujaau) October 20, 2022
މާލޭސިޓީ ކައުންސިލްގެ ހަތަރުވަނަ ދައުރުގައި މާލެ ސަރަޙައްދުގެ ހުރިހާ މިސްކިތެއްގައި ސީސީޓީވީ ކެމެރާ ހަރުކޮށް 24 ގަޑިއިރު މިސްކިތްތައް ބެލެހެއްޓޭނެ ނިޒާމު މިހާރު ވަނީ ޤާއިމު ކޮށްފައެވެ. އަދި ޚާޢްޞަ އިސްކަމެއްދެއްވައިގެން ކޮންމެ ދުވަހަކުވެސް މިސްކިތްތައް ކުނިކަހާ ސާފުކުރުމުގެ މަސައްކަތްތައްވެސް މާލެ ސިޓީކައުންސިލުން ދަނީ ކުރަމުންނެވެ.
