ބަރަހަނާ ވީޑީއޯ ހަދައި އޭގެ ވިޔަފާރި ކުރި ކަމުގެ ތުހުމަތުގައި މިދިއަ އަހަރުގެ ޖުލައި މަހު، މަޝްހޫރު ވިޔަފާރި ވެރިޔާ އަދި ބޮލީވުޑްގެ މަޝްހޫރު ބަތަލާ ޝިލްޕާ ޝެއްޓީގެ ފިރިމީހާ، ރާޖް ކުންދުރާ ޖަލަށްލުމަށްފަހު ދޫކޮށްލި ފަހުން އާންމުންގެ ތެރެއަށް ނުނުކުމެ އެތައް ދުވަހަކު ހުއްޓެވެ.
މަޑުމަޑުން އޭނާ މީހުންގެ ތެރެއަށް ނުކުންނަށް ފެށި ނަމަވެސް އޭނާ ހުންނަނީ މޫނު އެއްކޮށް ނިވާވަ ވަރުގެ ބޮޑު މާސްކެއް އަޅައިގެންނެވެ. އޭނާގެ މޫނު މީހުންނަށް ފޮރުވައިގެން އުޅޭތީ ގިނަ ބައެއްގެ މަލާމާތް ރާޖްއަށް އަންނަނީ ރައްދުވަމުންނެވެ. ރާޖް އަންނަނީ ޗުއްޓީ ތަކަށް ދިއުމާއި ބައެއް އިވެންޓް ތަކާއި އަދި ޕާޓީ ތަކުގައިވެސް ޝިލްޕާއާއި އެކުގައި ބައިވެރި ވަމުންނެވެ. ނަމަވެސް އެމާސްކް ގައި ނޫނީ އޭނާ ނުފެނެއެވެ.
View this post on Instagram
މީގެ އިތުރުން ބަރަހަނާ ވީޑީއޯ ހެދި މައްސަލައިގެ ތުހުމަތުގައި ހައްޔަރު ކުރި ފަހުން އޭނާއަށް މީހުންގެ މަލާމާތް ނޫނީ ނުލިބެއެއެވެ. މީޑިއާގައި މުޅިނެވެސް ހުންނަނީ ރާޖްގެ ނަން ބަދުނާމުކޮށް ވާހަކަދައްކައިފައެވެ
އެ މައްސަލާގައި އޭނާ ހައްޔަރު ކުރި ނަމަވެސް ކަފާލާތުގެ ދަށުން ދޫކޮށްލީ އެވެ. އޭގެ އަހަރެއް ފަހުން ސޯޝަލް މީޑިއާގައި ހަރާކާތްތެރިވާން ފަށާފައިވާ ރާޖު ކުރި ޓްވީޓެެއްގައި ވަނީ އޭނާ އަށް ފާޑުކިޔާ މީހުން ކޮބައިތޯ ސުވާލުކޮށްފައެވެ. މަޑުމަޑުން އެންމެން ގެއްލެނީތޯ ސުވާލުކުރުމަށްފަހު ރާޖް ބުނީ އޭނާ އެކަނި ކޮށް ނުދިއުމަށެވެ.
#trollers where are you all slowly vanishing please don’t leave me🌪️🔥🧿 ❤️
— Raj Kundra (@TheRajKundra) October 17, 2022
ނަމަވެސް މީގެ ކުރިން ފާޑު ކިއުމުން ވަރަށް ހިތްހަމަ ނުޖެހި އެކަމަށް ރާޖްވަނީ މީގެ ކުރިން އެތައް ފަހަރެއްގެ މަތިން ސޯޝަލް މީޑިއާގެ އެކި ޕްލެޓްފޯމް ތަކުގައި ޖަވާބު ދީފައެވެ. އެކަމާއި ހިތްހަމަ ނުޖެހި ވަރަށް ރުންކުރު ޖަވާބް ދީފައިވެސް އެބަހުއްޓެވެ.
ބަރަހަނާ ކޮންޓެންޓު އުފެއްދި ކަމަށް ބުނާ މައްސަލާގައި އޭނާ ހައްޔަރު ކުރީ 2021 ވަނަ އަހަރުގެ ޖުލައި މަހު އެވެ. ރާޖް މިހާރު ވަނީ އޭނާއަށް ކުރި ތުހުމަތު ތަކުން ސަލާމަތް ވެފައެވެ. ހައްޔަރު ކުރި ހިސާބުން ރާޖް ބުނަމުން ދިއައީ އޭނާ ފްރޭމް ކުރަނީ ކަމަށެވެ. އަދި ހުރިހާ ތުހުމަތު ތަކަށް އިންކާރު ކުރާ ކަމަށާއި އިންސާފު ލިބޭނެ ކަމަށް ވަނީ ބުނެފައިއެވެ.
