ބޮލީވުޑްގެ މަޝްހޫރު އެކްޓްރެސް ކެޓްރީނާ ކައިފްގެ ކުރިއަށް އޮތް ފިލްމު "ފޯން ބޫތު" ގެ ފުރަތަމަ ލަވަ ބެލުންތެރިންނަށް ދޫކޮށްލައިފިއެވެ.
'ކިންނާ ސޯނާ" ގެ ނަންދީފައިވާ މި ލަވައިގައި ކެޓްރީނާ ފެނިގެންދަނީ ވަަރަށް ސްޓައިލިޝްކޮންނެވެ. ތަނިޝްގް ބަގްޗީ އާއި ޒަހްރަހް އެސް ޚާން ކިޔައިފައިވާ މި ލަވައަކީ ވަރަށް ފަރި ނެށުންތަކެއް ހިމެނޭ ލަަވައެކެވެ.
'ކިންނާ ސޯނާ' ގައި ފިލްމްގެ ތިން ތަރިންވެސް ފެނިގެންދެއެވެ. މި ފިލްމްގައި ކެޓްރީނާ ކުޅެނީ ޖިންނިއެއްގެ ރޯލެއެވެ. ކެޓްރީނާގެ އިތުރުން ފިލްމްގައި އުޅެނީ ޒުވާން ދެ އެކްޓަރުން ކަމުގައިވާ އިޝާން ކައްޓަރު އާއި ސިދާންތް ޗަކްރްވޭދީ އެވެ.
އަންނަ މަހުގެ 4 ގައި ސިނަމާތަކަށް ގެންނަން ހަމަޖެހިފައިވާ މި ފިލްމަކީ ފަރުހާން އަޚްތަރާއި ރިތޭޝް ސިދުވާނީގެ އެކްސެލް އެންޓައިންމަންޓަށް ގުރްމީތު ސިންގް ޑައިރެކްޓްކޮށްފައިވާ ފިލްމެކެވެ.
މިދިޔަ އަހަރުގެ ޑިސެމްބަރު 9 ގައި އެކްޓަރ ވިކީ ކޯޝަލާ ކައިވެނި ކުރިފަހުން މިއީ ސިނަމާ ތަކަށް އަންނަ ކެޓްރީނާގެ ފުރަތަމަ ފިލްމެއެވެ. އެންމެ ފަހުން ކެޓްރީނާ ފެނިގެން ގޮސްފައިވަނީ "ސޫރްޔަވަންޝީ"އިން އަކްޝޭ ކުމާރާ އެކުގައެވެ.
ކޮމެންޓު ފޮނުވާ