އިންޑިއާގެ މަޝްހޫރު ރެޕް ލަވަކިއުންތެރިޔާ ބާދުޝާ، ޕަންޖާބުގެ މަޝްހޫރު ބަތަލާއެއް ކަމަށްވާ އީޝާ ރިކީއާ ލޯބީގެ ގޮތުން ގުޅިގެން އުޅޭ ކަމަށް ޚަބަރުތަށް ބުނެފިއެވެ.
އީޝާ އަކީ 2012 ގެ ޕަންޖާބީ ފިލްމު "ޖަޓް އެންޑް ޖޫލިއަޓް" އިން އެކްޓިންއަށް ނުކުތް ތަރިއެކެވެ. 29، އަހަރުގެ ބަތަލާ އާއި ބާދްޝާހް ބައްދަލް ވީ ދެ މީހުންގެ ގާތް ރައްޓެއްސެއްގެ ޕާޓީއެއްގެ ތެރެއިން ކަމަށްވެއެވެ.
އަދި ފުރަތަމަ ބައްދަލު ވުމުންވެސް ދެމީހުންގެ މެދުގައި ވަރަށް ގުޅުން ބޮޑުވި ކަމަށާއި އަދި މިހާރު ދެމީހުން ޑޭޓް ކުރަން ފަށާފައި ވާކަމަށް ވަނީ ބުނެފައެވެ.
އަދި މިހާރު ދެމީހުންގެ އާއިލާއާ ވެސް މިވާހަކަ ހިއްސާކޮށްފައި ވާކަމަށާއި އަދި މި ގުޅުމަށް އެ އާއިލާއިން ވެސް ވަރަށް ރުހޭ ކަމަށް ވަނީ ރިޕޯޓްތައް ބުނެފައެވެ. އަދި ދެމީހުން ޑޭޓް ކުރާތާ މިހާރު އަހަރެއްހާ ދުވަސް ވެފައި ވާކަމަށްވެސް ވަނީ ބުނެފައެވެ.
ބާދްޝާހާއި އޭނާ ކުރީގެ އަންހެނުން ވަކިވެފައި ވަނީ 2020 ވަނަ އަހަރު ކޯވިޑް ލޮކްޑައުންގެ ތެރޭގައެވެ. އެ ދެ މީހުންނަށް ދަރިއަކު ވެސް ލިބިފައި ވެއެވެ.
އީޝާ ވަނީ 2019 ގައި ރިލީޒްކުރި ހިންދީ ފިލްމު "ނަވާބުޒާދޭ" ގެ ރޯލެއްކުޅެ ބޮލީވުޑަށް ނުކުމެފައެވެ. އަނެއްކޮޅުން ބާދްޝާހް އަކީ މިވަގުތު ބޮލީވުޑްގައި ހުރި އެންމެ ކާމިޔަބު އެއް ލަވަކިއުން ތެރިޔާއެވެ.
ކޮމެންޓު ފޮނުވާ