ބޮލީވުޑްގެ ޒުވާން ދެ ތަރިން ކަމުގައިވާ ސިދާތު މަލްހޮތުރާ އާއި ކިއާރާ އަދުވާނީ އަންނަ އަހަރުގެ އެޕްރިލް މަހުގެ ތެރޭގައި ކައިވެނި ކުރާނެ ކަމަށް ޚަބަރުތައް ބުނެފިއެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނި ގޮތުގައި ދެ ތަރިން ކައިވެނިކުރާނެ ކަމަށް ބެލެވެނީ އަންނަ އަހަރުގެ އެޕްރީލް މަހުގެ ތެރޭގަ އެވެ. ސިދާތާއި ކިއާރާ ޑޭޓްކުރަން ފެށީ، އެ ދެ ތަރިން އެކުގައި ކުޅުނު ފުރަތަމަ ފިލްމު، "ޝޭރްޝާހް" ގެ ޝޫޓިންގެ ތެރެއިން ދިމާވެގެންނެވެ.
View this post on Instagram
އެމީހުން ލޯބީގެ ގޮތުން ގުޅިގެން އުޅޭ ކަމަށް ކިތަންމެ ވަރަކަށް މީޑިއާތަކުން ރިޕޯޓް ކުރި ނަމަވެސް އެ ދެތަރިން އެކަމަށް އެއްބަސް ވެފައިއެއް ނުވެއެވެ. ނަމަވެސް އެކަކު އަނެއްކެއްގެ ގެއަށް ދެމީހުންވެސް ގޮސްއުޅޭ ތަނާއި ޗުއްޓީ ތަކަށް ދާތަން ޕަޕަރާޒީންގެ ލެންސްތަކަށް ވަނީ މީގެ ކުރިން ވެސް ފެނިފައެވެ.
ކިއާރާ، 30، އާއި ސިދާތު، 37، ގެ ކައިވެނީގެ ވާހަކަ ދެކެވެން ފަށާފައި މި ވަނީ މި ދެ ތަރިން ރުޅިވެއްޖެކަމުގެ އަޑުތަކެއް ވެސް ދާދި ފަހުން އަރާފައި ވަނިކޮށެވެ.
މިހާރުވެސް އެމީހުންގެ ކައިވެނީގެ ޕްލޭންތަށް ފަށާފައިވާ ކަމަށާއި ކައިވެނީގެ ހަފުލާ ބާއްވާނެ ކަމަށް ބެލެވެނީ ސިދާތު އުފަން ސިޓީ، ނިއު ދިއްލީގައި ކަމަށް ވެސް މީޑިއާތަކުން ބުންނެވެ.
