ސައުތުގެ މަޝްހޫރު ދެތަރިން ކަމުގައިވާ ރަޝްމިކާ މަންދަނާ އާއި ވިޖޭ ދެވަރަކޮންޑާ އާއި އުޅެނީ ލޯބީގެ ގޮތުން ގުޅިގެން ކަމަށް ދެކެވޭ ވާހަކަ ތަކަށް ރަޝްމިކާ ޖަވާބްދިފިއެވެ.
ރަޝްމިކާ އާއި ވިޖޭ އާއި ދެމީހުން އެކުގައި ރާއްޖެއަށް ޗުއްޓީ ހެދަކުރުމަށް އައުމުން އެދެމީހުން ރައްޓެހިވެގެން އުޅޭކަމުގެ އަޑު ވަރަށް ބޮޑަސް ގަދަވެފައި ވަނިކޮން ރަޝްމިކާ ވަނީ އެގުޅުމާއި ބެހޭގޮތުން ވާހަކަ ދައްކައިފައިއެވެ.
View this post on Instagram
އިންޑިއާގެ ނޫހަކަށް ދިން އިންޓަވިއެއްގައި ރަޝްމިކާ ބުނެފައި ވަނީ ވިޖޭ އާއި އޭނާގެ އޮންނަނީ ވަރަށް ގާތް ގުޅުމެއް ކަމަށެވެ. އެ ދެ މީހުންނަކީ ވަރަށް ގާތް ދެ ރަހުމަތްތެރިން ކަމަށެވެ.
މީގެ ކުރިން ދިން އިންޓަވިއުއެއްގައި ރަޝްމިކާ ބުނެފައިވާ ގޮތުގައި އޭނާ ފިލްމްގެ ކެރިއަރު ފަށައިގެން އިރުގައި ވިޖޭ ވަރަށް ބޮޑަށް އެހީވި ކަމަށާއި ކަމެއް ދިމާވާއިރުގައި ވެސް އެންމެ ގާތް އެކުވެރިއަކަށް ހުންނަނީ ވިޖޭ ކަމަށްށެވެ. އެހެންވެ އެމީހުންގެ ދެމެދުގައި އޮންނަނީ ވަރަށް ގާތް ގުޅުމެއް ކަމަށެވެ.
ވިޖޭ އާއި ރަޝްމިކާ ލޯބީގެ ގޮތުން ގުޅިގެން އުޅޭ ކަމަށް މީޑިއާއިން ރިޕޯޓް ކޮށްފައި ވަނީ ދެ ތަރިން ބޮލީވުޑަށް ތައާރަފް ވުމުގެ ވެސް ކުރިންނެވެ. ޒުވާން ދެތަރިން ވަނީ އެކުގައި ދެ ފިލްމްއެއްވެސް ކުޅެފައިއެވެ. އެއީ "ގީތާ ގޮވިންދަމް" އާއި "ޑިއާ ކޮމްރޭޑް"އެވެ.
