ބޮލީވުޑްގެ އެންމެ މަގުބޫލް ތަރިންގެ ތެރޭގައި ހިމެނޭ ކަރީނާ ކަޕޫރު އޭނާގެ ކުރިއަށް އޮތް ފިލްމް ގެ ޝޫޓިން އަށް ހަގު ދަރިފުޅު ޖަހަންގީރު (ޖެއި) ގޮވައިގެން ލަންޑަން އަށް ފުރައިފިއެވެ.

ކަރީނާ ވަނީ މީގެ ކުރިންވެސް އޭނާގެ ދަރިން ގޮވައިގެން ޝޫޓިން ތަކަށް ގޮސްފައިއެވެ. މި ފަހުންވެސް އޭނާ ކުރިއަށް ގެންދިއަ ޑައިރެކްޓަރ ސުޖޯއި ގޯޝްގެ ފިލްމް ގެ ޝޫޓިންއަށް ސްޓް ބެންގާލްއަށް ޝޫޓިންގ އަށް ދިއައީ ކުޑަދަރިފުޅު ޖެއި ގޮވައިގެންނެވެ.

އަދި އޭނާ ވަނީ އެފޮޓޯތަށް އިންސްތަގްރާމްގައި ހިއްސާކޮށްފައިއެވެ. ކަރީނާ ލަންޑަން އަށް ދިއައީ ހަންސަލް މެހްތާގެ ކްރައިމް ތުރިލާގެ ޝޫޓިންގް އަށެވެ. އަދި އެފިލްމް އަށް ކިޔާ ނަމެއް އަދި ކާސްޓެއްވެސް ހާމައެއް ނުކުރެއެވެ.

 

View this post on Instagram

 

A post shared by Kareena Kapoor Khan (@kareenakapoorkhan)

މީގެ ކުރިން އެތަށް ފަހަރެއްގެ މަތިން ކަރީނާ ވަނީ އޭނާ އެންމެ އިސްކަމެއް ދެނީ އާއިލާ އަށް ކަމަށް ވަނި ބުނެފައިއެވެ. އަދި ވީހާވެސް ގިނަ ވަގުތު ދަރިންނާއި އެކުގައި ހޭދަކުރެވޭތޯ ބަލާކަމަށް ވަނީ ބުނެފައިއެވެ.

އަދި މިހާރު ފިރިމީހާ އެކްޓަރު ސައިފް އަލީ ހާން އާއި ދެމީހުން އުޅޭނީ ކުދިންގެ ކަންތަކުގައި ބަހައިލައިގެން ކަމަށް ވެސް އޭނާ ވަނީ ބުނެފައިއެވެ. ސައިފް ޝޫޓިްނ ތަކުގައި ބިޒީ އިރުގައި އޭނާ ކުދިން ބަލަން ހުންނަ ކަމަށާއި އަދި އޭނާ ބިޒީ އިރުގައި ކުދިން ބަލަން ހުންނަނީ ސައިފް ކަމަށް ކަރީނާ ވަނީ ބުނެފައިއެވެ.

 

View this post on Instagram

 

A post shared by Kareena Kapoor Khan (@kareenakapoorkhan)

އަދި ލަންޑަންއަށް ކުޑަ ދަރިފުޅު ގޮވައިގެން ދިއައީ ބޮޑު ދަރިފުޅު ތައިމޫރު ބެލުން ސައިފް އާއި ހަވާލުކޮށްފައި ކަމަށްވެސް ކަރީނާ ވަނީ ބުނެފައިއެވެ. ސައިފް އާއި ކަރީނާ ގެ ޖޯޑަކީ ގިނަބަޔަކު ނަމޫނާ އަކަށް ބަލާ ވަރަށް ލޯބި ޖޯޑެކެވެ.

 

View this post on Instagram

 

A post shared by Kareena Kapoor Khan (@kareenakapoorkhan)

ސައިފް އާއި ކަރީނާ ކައިވެނި ކުރީ 2012ވަނަ އަހަރުގައިއެވެ. އެމީހުންނަށް އަލަތު ދަރިއަކު ލިބުނީ 2016 ވަނަ އަހަރުގައިއެވެ. އެއީ މިހާރު 5 އަހަރުގެ ތައިމޫރު އެވެ. ދެވަނަ ދަރިއަކު އެދެމީހުންނަށް ލިބުނީ 2021 ވަނަ އަހަރުގައިއެވެ.