ބޮލީވުޑްގައި އަރަމުން އަންނަ އެކްޓަރު އަދި ބޮލީވުޑްގެ ސްޕަސްޓަރ ސަލްމާން ޚާންގެ ޅިއަނު އާޔޫޝް ޝަރުމާގެ ތިންވަނަ ފިލްމް ގެޓީޒާ އާންމުކޮށްފިއެވެ.
ރަވީ ވަރްމާ އާއި އިމްރާން ސަރްދާރިޔާ ޑައިރެކްޓްކޮށް ނެރޭ AS-03 ގައި އަޔުޝް ފެނިގެންދާނެ ގޮތް ވަނީ މި ޓީޒާގައި ދައްކައިލައިފައިއެވެ. ނަމަވެސް ފިލްމް ގެ ބަތަލާ އަކީ ކާކުކަމެއް ނޭގެއެވެ.
މި އެކްޝަން-އެޑްވެންޗާ ފިލްމުގެ ޓިޒާގައި ފެންނަނީ ބޯކޮށް ވާރޭ ވެހޭ ރެއެއްގައި ޖަންގައްޔެއްގެ ތެރޭގައި އާޔުޝްއާ ކުރިމަތިލި މީހަކަށް އޭނާ ކަނޑިން ހަމަލާދޭ މަންޒަރެވެ.
View this post on Instagram
ސަލްމާންގެ ހަގު އަންހެން ކޮއްކޮ އަރްޕިތާ ޚާންގެ ފިރިމީހާ އާޔޫޝް ބޮލީވުޑަށް ނުކުތީ ސަލްމާން ޕްރޮޑިއުސްކުރި 2018 ގެ "ލަވްޔާތުރީ" އިންނެވެ. އޭނާގެ ދެވަނަ ފިލްމް އަކީ ސަލްމާން އާއި އެކުގައި ފެނިގެންދިއަ ފިލްމް "އަންތިމް: ދަ ފައިނަލް ޓުރުތު" އެވެ.
