الحمدلله، والصلاةوالسلامعلىنبينامحمدوعلىآلهوصحبهوسلموبعد
ޒީނަތްތެރިވުމުގެ ގޮތުން އަންހެނުންގެ އަތުގައި އަޅާ ގަހަނާ އިން ޒަކާތް ދައްކަން ޖެހޭނެތޯ ނުވަތަ ނޫންތޯ، މިކަމުގައި ޢިލްމުވެރިންގެ ޚިޔާލު ތަފާތުވެފައި ވެއެވެ. ޙަނަފީ މަޛްހަބުގެ ޢިލްމުވެރިން ދެކިލައްވާ ގޮތުގައި މިފަދަ ތަކެތިން ޒަކާތް ދައްޖަން ވާޖިބުވާނެއެވެ. ނަމަވެސް މާލިކީ، ޝާފިޢީ، ޙަންބަލީ މަޛްހަބުގެ ޢިލްމުވެރިންގެ ރައުޔަކީ މިފަދަތަކެތިން ޒަކާތް ދެއްކުން ވާޖިބު ނުވުމެވެ.
މިމައްސަލާގައި އެންމެ ރަގަޅު ގޮތަކީ ޙަނަފީންގެ ގޮތެވެ. ނުވަތަ ގަހަނާގެ ގޮތުގައި ބޭނުން ކުރާ ތަކެތިން ޒަކާތް ދައްކަން ޖެހުމެވެ. މިކަމަށް ބާރުލިބޭ ބައެއް ދަލީލުތައް ތިރީގައި މިވަނީއެވެ.
- ގަހަނާގެ ގޮތުގައި ބޭނުން ކުރާ ރަނާއި ރިއްސާއި އެނޫން ގޮތް ގޮތުގައި ބޭނުން ކުރާ ރަނާއި ރިހި ތަފާތު ކުރުމެއްނެތި އެތަކެތިން (ރަނާއި ރިހިން) ޒަކާތް ނެރުމަށް އަންގަވާފައިވާ ޢާއްމު އެންގެވުންތައް.
- އުއްމުލް މުއިމިނީނަ ޢާއިޝާ- ރަޟިޔަﷲ ޢަންހާ ވިދާޅުވިއެވެ. "دَخَلَعَلَىَّرَسُولُاللَّهِ -صلىاللهعليهوسلم- فَرَأَىفِىيَدِىسِخَابًامِنْوَرِقٍفَقَالَ :«مَاهَذَايَاعَائِشَةُ؟». فَقُلْتُ : صَنَعْتُهُنَّأَتَزَيَّنُلَكَفِيهِنَّيَارَسُولَاللَّهِ. فَقَالَ :«أَتُؤَدِّينَزَكَاتَهُنَّ». فَقُلْتُ : لاَأَوْمَاشَاءَاللَّهُمِنْذَلِكَقَالَ :«هِىَحَسْبُكِمِنَالنَّارِ».މާނައަކީ: "ކީރިތި ރަސޫލާ ޞައްލަﷲ ޢަލައިހި ވަސައްލަމަ ތިމަން ކަމަނާގެ ގާތަށް ވެދެވަޑައިގެންނެވި ހިނދު ރިހިން ހަދާފައި ހުރި ބޮޑެތި ތަނޑިތަކެއް ތިމަންކަމަނާގެ އަތުގައި އަޅާފައިވަނިކޮށް ފެނިވަޑައިގަތެވެ." އެހިނދު ކީރިތި ރަސޫލާ ޞައްލަﷲ ޢަލައިހި ވަސައްލަމަ ސުވާލު ކުރެއްވިއެވެ. "އޭ ޢާއިޝާއެވެ. މިއީ ކޮން އެއްޗެހިތަކެއް ހެއްޔެވެ؟"، ތިމަންކަމަނާ ދެންނެވީމެވެ. "ﷲ ގެ ރަސޫލާއެވެ. މިއީ ކަލޭގެފާނަށް ޒީނަތްތެރިކަން ދެއްކުމަށްޓަކައި ތިމަންކަމަނާ ތައްޔާރު ކޮށްފައިވާ އެއްޗެހި ތަކެކެވެ." ޙަދީޘް ކުރެއްވިއެވެ. "ތިޔަ ތަކެތީގެ ޒަކާތް ކަމަނާ ދައްކަވަން ހެއްޔެވެ؟' ތިމަން ކަމަނާ ދެންނެވީމެވެ. "ނޫނެކެވެ." ޙަދީޘް ކުރެއްވިއެވެ. "ތިޔަ ތަކެތީގެ ސަބަބުން ކަމަނާ ނަރަކަވަންތަވެރިޔަކަށް ނުވާށެވެ". މާނައަކީ: ޒަކާތް ނުދެއްކުމުގެ ސަބަބުން ނަރަކައަށް ދާ މީހުންގެ ތެރެއިން ކަމަނާ ނުވާށެވެ.
- عَنْعَمْرِوبْنِشُعَيْبٍعَنْأَبِيهِعَنْجَدِّهِ : أَنَّامْرَأَةًأَتَتْرَسُولَاللَّهِ -صلىاللهعليهوسلم- وَمَعَهَاابْنَةٌلَهَاوَفِىيَدِابْنَتِهَامَسَكَتَانِغَلِيظَتَانِمِنْذَهَبٍفَقَالَلَهَا :«أَتُعْطِينَزَكَاةَهَذَا». قَالَتْ : لاَقَالَ :«أَيَسُرُّكِأَنْيُسَوِّرَكِاللَّهُبِهِمَايَوْمَالْقِيَامَةِسِوَارَيْنِمِنْنَارٍ». قَالَفَخَطَفَتْهُمَافَأَلْقَتْهُمَاإِلَىالنَّبِىِّ -صلىاللهعليهوسلم- وَقَالَتْ : هُمَالِلَّهِعَزَّوَجَلَّوَلِرَسُولِهِ. މާނައަކީ: ޢަމްރު ބިން ޝުޢައިބް އޭނަގެ ބައްޕަ ގެ ކިބައިން، އަދި އޭނާގެ ބައްޕަ ކާފަގެ ކިބައިން ރިވާ ކުރެއްވިއެވެ. "އެއްދުވަހަކު އަންހެނަކު އޭނާގެ އަންހެން ދަރިފުޅާ އެކު ކީރިތި ރަސޫލާ ޞައްލަﷲ ޢަލައިހި ވަސައްލަމަގެ އަރިހަށް އައެވެ. އަންހެން ދަރިފުޅުގެ އަތުގައި ރަނުން ހަދާފައިވާ ވަރުގަދަ ދެތަނޑިގަނޑު އޮތެވެ. އެހިނދު ކީރިތި ރަސޫލާ ޞައްލަﷲ ޢަލައިހި ވަސައްލަމަ ޙަދީޘް ކުރެއްވިއެވެ. "މިތަކެތީގެ ޒަކާތް ކަމަނާ ދައްކަވަން ހެއްޔެވެ؟" އެކަމަނާ ވިދާޅުވިއެވެ. "ނޫނެކެވެ"، ޙަދީޘް ކުރެއްވިއެވެ. "ގިޔާމަތްދުވަހުން އަލިފާނުން ހެދިފައިވާ ދެތަނޑިގަނޑު ކަމަނާގެ އަތުގައި އެޅުމަށް އެދެމުހެއްޔެވެ؟" އެހިނދު އެކަމަނާ އެދެތަނޑިގަނޑު ބާލުއްވާފައި ކީރިތި ރަސޫލާ ޞައްލަﷲ ޢަލައިހި ވަސައްލަމަ އާއި ޙަވާލު ކުރެއްވިއެވެ. އަދި ދެންނެވިއެވެ. "އެދެތަނޑިގަނޑު ވަނީ ﷲ އަށާއި އެކަލާންގެ ރަސޫލާ އަށެވެ."
ޒަކާތުގެ ގޮތުގައި ނެރެން ޖެހޭނީ 2.5% އެވެ. އެއީ ކޮންމެ 100 ގުރާމަކުން ދެގުރާމުބައެވެ. ނުވަތަ ބާޒާރުގައި މިއަށްވާ އަގެވެ.
والله أعلم
ކޮމެންޓު ފޮނުވާ