ބޮލީވުޑް ސުޕަސްޓަރ ސަލްމާން ޚާންގެ ޅިޔަނު އަޔުޝް ޝަރަމާގެ 3 ވަނަ ފިލްމު އިއުލާންކޮށް ފިލްމުގެ ޓީޒާ ދައްކާލައިފިއެވެ.
މީގެ ކުރިން އޭނާ ފެނިގެން ނުދާފަދަ ތަފާތު ވަރުގަދަ ރޯލަކުން ފެނިގެންދާނެ މި ފިލްމަށް އަދި މިހާތަަށް ވަކި ނަމެއް ދީފައެއް ނުވެއެވެ. ފިލްމާގުޅޭ މާގިނަ ތަފްސީލް ތަކެއްވެސް އަދި މިހާތަނަށް ހާމަކޮށްފައެއް ނުވެއެވެ.
އަޔުޝްގެ އިތުރުން ދެން ފިލްމުން ފެނިގެންދާނެ ތަރިންވެސް އަދި މިހާތަނަށް އިޢުލާންކޮށްފައެއް ނުވެއެވެ. ނަމަވެސް މިއީ އަންނަ އަހަރު ބެލުންތެރިންނާ ހަމައަށް ގެނެސްދިނުމަށް މަސައްކަތް ކުރާ ފިލްމެކެވެ.
View this post on Instagram
ކްލިފްޓޮން ސްޓޫޑިއޯސް، ސިނެމާ އެންޓް އަދި ގޯޑް ބްލެސް އެންޓަޓެއިންމަންޓް ގުޅިގެން ގެނެސްދޭ މި ފިލްމު ޑައިރެކްޓް ކުރަނީ ރަވީ ވެރްމާ އާއި އިމްރާން ސަރްދަރިޔާއެވެ.
އަޔުޝް ބޮލީވުޑަށް ނެރެދިނީ ސަލްމާންގެ ޕްރޮޑަކްޝަން ހައުސް އިން 2018 ވަނަ އަހަރު ގެނެސްދިން ފިލްމު "ލަވްޔާތުރީ" އިންނެވެ. އަދި އޭނާގެ ދެވަނަ ފިލްމަކީ ސަލްމާނާއެކު ގިނަ ކުރިމަތިލުންތަކެއް ފެނިގެންދިޔަ ފިލްމު "އަންތިމް"އެވެ. އެހެންކަމުން މި ފިލްމު ވެގެންދާނީ ސަލްމާންގެ މާބޮޑު ބައިވެރިވުމެއް ނެތި އަޔުޝް ފެނިގެންދާ ފުރަތަމަ ފިލްމަށެވެ.
