ރިޕޯޓުތައް ބުނާ ގޮތުގައި ކުޅަދާނަ ސްޓޭންޑަޕް ކޮމީޑިއަން، ކަޕިލް ޝަރްމާގެ އަންހެނުން ގިނީ ޗަތުރަތު ދެ ވަނަ ދަރިއަކަށް ބަނޑުބޮޑެވެ. އަދި އިނީ ވިހަން ވަރަށް ކައިރި ވެފައިކަމަށްވެސް ރިޕޯޓުތައް ބުނެއެވެ.
ފުރަތަމަ ދަރިފުޅު އަނައިރާ ލިބުންތާ އަދި މިވީ އަހަރެއްހާ ދުވަހެވެ. އަދި އަނައިރާގެ ލޯބި ފޮޓޯތަކުން ފޭނުން އާޝޯޙްވެފައިވާއިރު މި ދެމީހުން އަނެއްކާވެސް ދަރިއަކު ލިބޭ ކަމަށްވަނީ ބުނެފައެވެ.
އެދެމީހުންގެ ދެވަނަ ދަރިފުޅަށް މަރުހަބާ ކިޔަނީ އަންނަ އަހަރު ޖެނުއަރީގައެވެ. އަދި މި ހަބަރާއި އެކު ކަޕިލްގެ މަންމަ ވަނީ މުމްބާއީއަށް އައިސްފައެވެ. ކަޕިލްގެ ފުރަތަމަ ދަރިފުޅު އަނައިރާ އަށް އެއްއަހަރު ފުރެނީ މި ޑިސެމްބަރ މަހު 10 ގައެވެ. އެހެން ކަމުން މިއީ މި ދެކަންތަކުގެ އުފާ ފާޅުކުރުމަށް ރަނގަޅު ވަގުތެކެވެ.
ކަޕިލް އޭނާގެ އިންސްޓާގުރާމުގައި ހިއްސާކޮށްފައިވާ ފޮޓޯގައި މަންމައާއި ދަރިފުޅު އެއްކުލައިން ހެދުންލައި އަނައިރާގެ ފުރަތަމަ ދިވާލީ ފާހަގަ ކޮށްފައިވެއެވެ.
