2002 ވަނަ އަހަރު ރިލީޒް ކުރި ކާމިޔާބު ފިލްްމް "ދޭވްދާސް"ގެ އެންމެ މަޝްހޫރު އެއް ލަވަ ކަމުގައިވާ "ޑޯލަރޭ ޑޯލަރޭ" ގައި ނަށަން އުޅުމުގެ ތެރޭގައި ފިލްމުގެ އެއްބަތަލާ އައިޝްވާރިޔާ ރާއީގެ ކަންފަތުން ލޭއައިކަމަށް ރިޕޯޓްތަށް ބުނެފިއެވެ.
ކަނފަތުގައި ވަރަށް ބަރު އެއްޗެއް ލާފައި އިނުމުގެ ސަބަބުން ލަވައިގެ ޝޫޓިންގ ތެރޭގައި ކަންފަތް ކޮންމެވެސް ވަރަކަށް އިރައިގެން ގޮސް ލޭ އައިކަމަށް ޕިންކް ވިލާއިން ވަނީ ބުނެފައެވެ.
މި ފިލްމަކީ އައިޝްވާރިޔާ ރާއި އާއި ޝާހުރުކް ޚާން އަދި މާދުރީ ޑިކްސިޓް އެކުގައި ފެނިގެންދިޔަ، ގިނަ ބަޔަކަށް ވަރަށް ކަމުދިޔަ ފިލްމެކެވެ.
ފިލްމުގެ އިތުރުން ފިލްމްގެ ލަވަ ތަކަކީވެސް އެހާމެ މަޝްހޫރު ވެގެން ދިޔަ ލަވަތަކެކެވެ. ހާއްސަކޮން "ޑޯލަރޭ ޑޯލަރޭ" އަކީ މިހާރުވެސް ގިނަބައެއްގެ ފޭވަރިޓް ލިސްޓުން ޖާގަ ހޯދާ ލަވައެކެވެ.
މި ލަވައިގައި އެއްގޮތަކަށް ހެދުން އަޅައިގެން ތިބެ މަދޫރީ އާއި އައިޝްވާރިޔާ އެކަކު އަނެއްކަކަށް ނެށުމުން ވާދަކުރަމުންދެއެވެ.
"ދޭވްދާސް" އަކީ މަޝްހޫރު ޑައިރެކްޓަރު ސަންޖޭ ލީލާ ބަންސާލީގެ ފިލްމެކެވެ. ޕްރަކާޝް ރަންޖިތު ކަޕާޑިއާ އާއި ސަންޖޭ ލީލާ ބަންސާލީ މި ފިލްމްގެ ވާހަކަ ލިޔެފައިވާއިރު ފިލްމްގެ ޕްރޮޑިއުސަރަކީ ބަރަތު ޝާހެވެ.
