ބަރަހަނާ ވީޑީއޯ ހަދައި އޭގެ ވިޔަފާރި ކުރި ކަމުގެ ތުހުމަތުގައި މިދިއަ އަހަރުގެ ޖުލައި މަހު، މަޝްހޫރު ވިޔަފާރި ވެރިޔާ އަދި ބޮލީވުޑްގެ މަޝްހޫރު ބަތަލާ ޝިލްޕާ ޝެއްޓީގެ ފިރިމީހާ، ރާޖް ކުންދުރާ ޖަލަށްލުމަށްފަހު ދޫކޮށްލި ފަހުން އަހަރު ފުރުނު ދުވަހު ވަރުގަދަ ބަހުގެ ހަމަލާ ތަކާއި އެކުގައި ޓްވީޓެއް ކޮށްފިއެވެ.

މާސްކާ އެކުގައި ހުރި ފޮޓޯއަކާއި އެކުގައި ޓްވިޓާގައި އޭނާ ކުރި ޕޯސްޓް ގައި ބުނެފައިވަނީ ކަމުގެ ހަގީގަތް ވަރަށް އަވަހަށް އެނގޭނެ ކަމަށާއި އިންސާފު ވެސް ލިބޭނެ ކަމަށެވެ. އަދި ނޭގޭ ވާހަކަ ނުދައްކާ އަނގަ މަޑުންލައިގެން ތިބެން ވެސް އެނާ ވަނީ އެދިފައެވެ.

އޭނާއަށް ހެޔޮ އެދޭ ހުރިހާ ފަރާތްތަކަށް ޝުކުރު އަދާކޮށް، ޖޯކު ޖެހި މީހުންނަށް ޝުކުރު އަދާކޮށްފައި ވަނީ އެ މީހުންގެ ސަބަބުން އޭނާއަށް އިތުރަށް އެކަމަށް ކުރިމަތިލުމުގެ ހިތްވަރު ލިބުނު ކަމަށް ބުނެއެވެ.

 

View this post on Instagram

 

A post shared by Shilpa Shetty Kundra (@theshilpashetty)

ކަފާލާތުގެ ދަށުން ރާޖު ދޫކޮލާފައި ހުރި ނަމަވެސް އޭނާ އާންމުންގެ ތެރެއަށް ނުކުންނަނީ މުޅި މޫނު ނިވާވާ ވަރުގެ ބޮޑެތި މާސްކް އަޅައިގެންނެވެ. މިކަމާއި ވެސް ގިނަ ބަޔަކު އަންނަނީ އޭނާއަށް މަލާމާތް ކުރަމުންނެވެ. އެމީހުން ބުނެފައިވަނި ލަދުން މޫނު ދައްކަން ނުކެރޭ ވަރުގެ ކަންކަން ކުރަނީ ކީތްވެތޯއެވެ. އަނެއް ބަޔަކު ބުނެފައިވަނި އޭނާގެ މޫނު ބަލަން މޮޔަވާނީ ކާކުތޯއެވެ.

 

View this post on Instagram

 

A post shared by Shilpa Shetty Kundra (@theshilpashetty)

ބަރަހަނާ ފިލްމް ހަދައި އެތަކެތި ވިއްކި މައްސަލާގައި އޭނާގެ މައްޗަށް ކުރަމުންދާ ހުރިހާ ތުހުމަތު ތަކަށް ރާޖް ދިއައީ އިންކާރު ކުރަމުންނެވެ. އަދި ފަހުން ރާޖް ދޫކޮށްލީވެސް އޭނާގެ މައްޗަށް ހެކި ނެތިގެންނެވެ.