ބޮލީވުޑްގެ މަޝްހޫރު އެކްޓަރު ސަލްމާން ޚާނާއެކު މީގެ ކުރިންވެސް ކާމިޔާބު އެތައް ފިލްމް ތަކެއް ގެނެސްދީފައިވާ ކުޅަދާނަ ޑައިރެކްޓަރު އަލީ އައްބާސް ޒަފަރު އަނެއްކާވެސް ސަލްމާނާއެކު ފިލްމެއް އުފައްދަން ތައްޔާރުވެއްޖެއެވެ.
ބޮޑު ބަޖެޓަކުން އުފައްދާ، ވަރަށް ވަރުގަދަ އެކްޝަން މަންޒަރުތަކެއް ހިމެނޭ މި ފިލްމްގެ ސްކްރިޕްޓްގެ މަސައްކަތް މިހާރު ނިމިފައިވާކަމަށް މައުލޫމާތު ލިބެއެވެ. އަދި ވަރަށް އަވަހަށް ފިލްްމްގެ ސްކްރިޕްޓް ސަލްމާނަށް ހުށަައަޅާނެ ކަަމަށް ވެސް ޚަބަރުތައް ބުނެވެ.
އަލީ އައްބާސް މިހާރު މަސައްކަތް ކުރަމުން އަންނަނީ އެކްޝަން ކޮމެޑީ "ބަޅޭ މިޔާ ޗޯޓޭ މިޔާ" ގެ ޝޫޓިން ފަށުމަށެވެ. މި ފިލްމުން ފެނިގެންދާނީ އަކްޝޭ ކުމާރާއި ޓައިގާ ޝްރޮޕްއެވެ.
ސަލްމާނާއެކު އަލީ އައްބާސް ވަނީ 2016 ވަނަ އަހަރު "ސުލްތާން"، 2017 ވަނަ އަހަރު "ޓައިގާ ޒިންދާ ހޭ" އަދި 2019 ވަނަ އަހަރު "ބާރަތު" ފަދަ ބްލޮކްބަސްޓަރ ފިލްމުތަކެއް ގެނެސްދީފައެވެ.
ސަލްމާން މި ފިލްމުން ފެނިގެންދާނަމަ މީ އަލީ އައްބާސް އާއި އެކު ސަލްމާން މަސައްކަތް ކުރާ ހަތަރުވަނަ ފިލްމެވެ. އަދި މި ފިލްމަކީ ވެސް ކުރީގެ ފިލްމުތައް ފަދައި ކާމިޔާބު ފިލްމަކަށް ވާނެކަމަށް ގަބޫލު ކުރެއެވެ.
ސަލްމާން މިހާރު މަސައްކަތް ކުރަމުން އަންނަނީ އޭނާގެ ކުރިއަށް އޮތް ފިލްމު "ކިސީކީ ބާއި ކިސީކާ ޖާން" ގެ މަސައްކަތް ކުރަމުންނެވެ. މި ފިލްމުން ސަލްމާނާއި އެކުގައި ފެނިގެން ދާނީ ޕޫޖާ ހެގްޅޭއެވެ.
