ތަފާތު ރޯލުތައް ކުޅުމަށް މަޝްހޫރު އެކްޓަރު އަޔުޝްމާން ކުރާނާގެ "ޑޮކްޓަރު ޖީ" ރިލީޒް ކުރުމަށް ތާރީހެއް ކަނޑައަޅައިފިއެވެ.
މި ފިލްމަކީ އަޔުޝްމާނާއި ރަކުލް ޕްރީތު ސިންގް އެކުގައި ފެނިގެންދާ ފުރަތަމަ ފިލްމެވެ. ފިލްމު އެޅުވުމަށް ތާވަލު ކޮށްފައިވަނީ އަންނަ އޮކްޓޫބަރު މަހުގެ 14 ވަނަ ދުވަހަށެވެ.
އެއީ ބޮޑު ދެ ސްޓާރެއްގެ 2 ފިލްމެއް އެޅުވުމުގެ 11 ދުވަސް ކުރިއެވެ. އެއީ އަޖޭ ދޭވްގަންގެ "ތެންކް ގޯޑް" އާއި އަކްޝޭ ކުމާރުގެ "ރާމް ސެތޫ" އެވެ. މީގެ ތެރެއިން "ތޭންކް ގޯޑް" އަކި ރަކުލް މުހިންމު ރޯލެއް ކުޅެފައިވާ ފިލްމެކެވެ. އެހެން ކަމުން ރަކުލްގެ ދެ ފިލްްމު އެއް އެއްމަހެއްގައި ރިލީޒް ވަނެއެވެ.
ޖަންގްލީ ޕްރޮޑަކްޝަންގެ ފަރާތުން ގެނެސްދޭ މި ފިލްމަކީ އެމީހުންނާއެކު އަޔުޝްމާން މަސައްކަތް ކުރާ ތިން ވަނަ ފިލްމެވެ. މީގެ ކުރިން އަޔުޝްމާން ވަނި އެމީހުންނާއި އެކުގައި ކާމިޔާބު ދެ ފިލްމެއްގައި މަސައްކަތް ކޮށްފައެވެ. އެއީ "ބަރޭލީ ކީ ބަރްފީ" އާއި "ބަދާއި ހޯ"އެވެ.
"ޑޮކްޓަރު ޖީ" ޑައިރެކްޓު ކޮށްފައިވަނީ އަނުބުޓީ ކަޝްޔަޕްއެވެ. މިއީ ކޮމެޑި ޑްރާމާއެކެެވެ.
