ހަޔާތުގެ ބައިވެރި އެއް ނެތް ކަމަށާއި، މީގެ އިތުރުން އޭނާއާ އެކުގައި އުޅެ އުޅެ އިޝާން ޚައްޓަރު ވެސް މިހާރު ހުރީ ސިންގަލްކޮށް ކަމަށް ޒުވާން އެކްޓަރ ސިދާތު ޗަތުރަވެދީ ބުނެފިއެވެ.
އެންމެ ފަހުން ގެނެސްދިން ކަރަން ޖޯހަރްގެ "ކޮފީ ވިތް ކަރަން" ޝޯގައި ވާހަކަ ދައްކަމުން ސިދާތު ބުނެފައި ވަނީ އޭނާ މިވަގުތު ލޯބީގެ ގޮތުން އެއްވެސް މީހަކާ ގުޅިގެން ނޫޅޭ ކަމަށެވެ.
"އަހަރެން ސިންގަލް. ހަމަ ވަރަށް ސިންގަލް. އަދި މީގެ އެންމެ މަޖާ ކަމަކީ އަހަރެންނާ އެކުގައި އުޅެ އުޅެ އިޝާން ވެސް މިހާރު ސިންގަލް. ސުޕަރ ސިންގަލް"
– ސިދާތު
ހެމުން ހެމުން ސިދާތު މިވާހަކަތައް ދައްކާފައި ވާއިރު އިޝާން އެންމެ ފަހުން ލޯބީގެ ގޮތުން ގުޅިގެން އުޅުނީ ޒުވާން ބަތަލާ އަނައްނިޔާ ޕާންޑޭ އާއެވެ. އެމީހުން ރުޅިވީ ވައިބް ދިމާ ނުވާތީ ކަމަށް ބުނެ މީގެ ދުވަސްކޮޅެއް ކުރިންނެވެ.
މި ޝޯގައި ސިދާތު އާއި އިޝާންގެ އިތުރުން އެމީހުންގެ ކުރިއަށް އޮތް ފިލްމްގެ ކޯ ސްޓަރ ކެޓްރީނާ ކައިފްވެސް ވަނީ ބައިވެރި ވެފައެވެ.
View this post on Instagram
3 މީހުންގެ ދިރިއުޅުމުގެ ގިނަ ވާހަކަތަކެއް ވަނީ މި ޝޯގައި ކަރަން ތިލަކޮށްފައެވެ. މި ޝޯއަކީ ތަރިންގެ ޒާތީ މައުލޫމާތުތައް ވަރަށް ތިލަކޮށް ގެނެސްދޭ ޝޯ އެކެވެ. އެހެން ކަމުން ގިނަ ތަރިން މިހާރު މި ޝޯއަށް ދާންވެސް ދެކޮޅު ހަދައެވެ.
