ރައީސުލްޖުމްހޫރިއްޔާގެ އޮފީހުގެ ސްޕޯކްސްޕަރސަންގެ މަޤާމާއި ހަވާލުވުމަށްފަހު މިއުވާން މުހައްމަދު ބާއްވާ ފުރަތަމަ ޕްރެސް ކޮންފަރެންސް މިއަދު ބާއްވަން ހަމަޖެހިއްޖެއެވެ.
މީގެ ކުރިން ތުޖަމާނު ކަމުގައި މަބުރޫކް ހުންނެވިއިރުވެސް ކޮންމެ މަހަކު ގެންދެވީ ޕްރެސް ކޮންފަރެންސް ބާއްވަމުންނެވެ. މިއުވާން ރައީސް އޮފީހުގެ ތަރުޖަމާނު ކަމާއި ހަވާލުވުމަށްފަހު ބާއްވާ ފުރަތަމަ ޕްރެސް ކޮންފަރެންސް ބޭއްވުމަށް ހަމަޖެހިފައިވަނީ މިއަދު މެންދުރު 1 ޖަހާއިރުއެވެ.
Spokesperson Miuvaan Mohamed will meet the press on Thursday, September 8, 2022, at 1 p.m. at the President’s Office. The briefing will be streamed live via @governmentmv and local TV channels. pic.twitter.com/ut3hB7sT0g
— The President's Office (@presidencymv) September 8, 2022
ފޮރިން މިނިސްޓްރީގެ ކޮމިއުނިކޭޝަން ޑިރެކްޓަރުގެ މަޤާމުގައި މިހާތަނަށް ހުންނެވި މިއުވާން ރައީސް އޮފީހުގެ ތަރުޖަމާނަކަށް ހަމަޖައްސަވާފައިވަނީ އެމަޤާމު ފުރުއްވަމުން ގެންދެވި މުހައްމަދު މަބުރޫކް އަޒީޒު އެމަޤާމުން އިސްތިއުފާ ދެއްވުމާއި ގުޅިގެންނެވެ.
ރައީސުލްޖުމްހޫރިއްޔާގެ އޮފީހުގެ ސްޕޯކްސްޕަރސަންގެ މަޤާމު އުފައްދަވައި އެމަޤާމަށް މަބުރޫކް އައްޔަން ކުރެއްވީ 2021 ޖަނަވަރީ 1 ވަނަ ދުވަހުއެވެ. މަބްރޫކް އިސްތިއުފާ ދެއްވުމާއި ގުޅިގެން ރައީސުލްޖުމްހޫރިއްޔާގެ އޮފީހުން ވަނީ އެ އޮފީހާއި ސަރުކާރަށް އޭނާ ކޮށްދެއްވާފައި ވަނީ ވަރަށް އިޚުލާސްތެރި، އަދި އަގުހުރި ޚިދުމަތްތަކެއްކަން ފާހަގަކޮށް އޭނާ ކޮށްދެއްވާފައިވާ ތަޢުރީފު ހައްޤު މަސައްކަތްތަކަށް ޝުކުރު ދަންނަވާފައެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާނަކަށް އައްޔަން ކުރެއްވި މިއުވާނަކީ މީޑިއާގެ ދާއިރާގައިވެސް މަސައްކަތް ކުރައްވާފައިވާ މީޑިއާތަކާއި ގާތް ގުޅުމެއް ބާއްވާ ބޭފުޅެކެވެ.
ކޮމެންޓު ފޮނުވާ