ކާތިކް އާރިޔާން އާއި ކިއާރާ އަދުވާނީ އެކުގައި ކުޅޭ ދެވަނަ ފިލްމު "ސަތިޔަޕްރޭމް ކީ ކާތާ" އަންނަ އަހަރުގެ ޖޫން 29 ގައި ރިލީޒް ކުރުމަށް ތާވަލް ކޮށްފިއެވެ.
ނޭޝަނަލް އެވޯޑް ހޯދާފައިވާ ސަމީރު ވިދުވަންސް ޑައިރެކްޓްކޮށް މަޝްހޫރު ޕްރޮޑިއުސަރު ސާޖިދު ނަޑިއާޑްވާލާ ޕްރޮޑިއުސްކުރާ އެ ފިލްމުގެ ޕޯސްޓަރެއް ވެސް ކިއާރާގެ އުފަން ދުވަހާ ދިމާކޮށް ވަނީ ދައްކާލައިފައެވެ.
އެ ފިލްމަކީ މިއުޒިކަލް ލަވް ސްޓޯރީ އެކެވެ. މިއީ ދެތަރިން އެކުގައި ކުޅޭ ދެވަނަ ފިލްމެވެ. މީގެ ކުރިން ދެތަރިން ވަނީ ފިލްމު "ބޫލް ބުލައްޔާ 2″ އިން ފެނިގެން ގޮސްފައެވެ. އެއީ މި އަހަރު ރިލީޒް ކުރި ފިލްމްއެކެވެ. އެ ފިލްމަކީ ބޮކްސް އޮފީހުގައި ބޮޑު ކާމިޔާބެއް ހޯދި ފިލްްމެކެވެ.
އެ ފިލްމް ގެ ކާމިޔާބީއާއެކު ފިލްމުގެ ތަރިންގެ ޑިމާންޑް ވަނީ ވަރަށް ބޮޑުވެގެން ގޮސްފައެވެ. އަދި މި ޖޯޑަކީ ގިނަ ބަޔަކަށް ވަރަށް ކަމުދިޔަ ފިލްމެކެވެ.
ކޮމެންޓު ފޮނުވާ