މަޝްހޫރު އެތައް ލަވަތަކެއް ކިޔާފައިވާ މަޝްހޫރު ލަވަ ކިޔުން ތެރިއާ ޝަކީރާ އާއި ފުޓްބޯޅަ ކުޅުންތެރިއާ ޖެރާޑް ޕީކޭގެ 12 އަހަރުވީ ކައިވެނި ނިމުމަކަށް ގެންނަ ކަން އިއުލާން ކުރީ މިދިއަ ޖޫން މަހުގެ ތެރޭގައެވެ.
ނޫސްތަކުން އަޑުފެތުރުނު ގޮތަށް ޕީކޭ ކައިރިން ޝަކީރާ ވަރިވާން ނިންމީ ޕީކޭގެ ބޭވަފާތެރިކަން ރެޑްހޭންޑްކޮށް ހިފިގެންނެވެ. ވަކިވާކަން އިއުލާން ކުރުމާއި އެކުގައި ޕީކޭ ފެނިގެންދިޔައީ އެހެން އަންހެނަކާއި އެކުގައެވެ.
އަދި ޕީކޭ އާއި އޭނާގެ ލޯބިވެރިޔާ ކްލާރާ ޗިއާ އާއި ވަރަށް ހާމަކަން ބޮޑުކޮށް ދުނިޔޭގެ އަޅާލުމެއް ނެތި އުޅެމުން އަންނަ އިރުގައި ދެ މީހުންވަނީ ޗުއްޓީ ހޭދަކުރުމަށް ބައެއް ގައުމުތަކަށް ވެސް ގޮސްފައެވެ.
ހަމަ އެއާއެކު ދާދިފަހުން ވަނީ ޕީކޭ އާއި ކްލާރާގެ ވަރަށް ގައިގޯޅި ފޮޓޯތަކެއް ވައިރަލް ވެފައެވެ. އެއާއި އެކުގައި ޝަކީރާގެ ހިތް ވަނީ ކުދި ކުދި ވެފައެވެ. ޕީކޭ އާއި ވަކިވާން ނިންމި ނަމަވެސް އެ ހިތާމައިން ޝަކީރާ އަދިވެސް އުޅެނީ އަރައި ނުގަނެވިގެންނެވެ.
ދެމީހުން ވަކިވާއިރު މި ދެމީހުންނަށް ވަނީ ދެ ފިރިހެން ކުދިންވެސް ލިބިފައެވެ. އެއީ މިލާން އާއި ޝާޝާއެވެ. ކުދިންގެ ކަސްޓަޑީ މައްސަލަ ކޯޓުގައި ކުރިއަށްދާއިރު، ޖޫން މަހު އެ ދެމީހުން ވަކިވިކަން އިއުލާން ކުރުމަށް ޝަކިރާ އާއި ޕީކޭ ވަނީ ޖޮއިންޓް ސްޓޭޓްމަންޓެއް ހިއްސާކޮށްފައެވެ.
